Լիսաբոնի «Բենֆիկայի» գլխավոր մարզիչ Ժոզե Մոուրինյոն Չեմպիոնների լիգայի 8-րդ տուրում Մադրիդի «Ռեալի» նկատմամբ 4։2 հաշվով հաղթանակից ու անցումային փլեյ-օֆֆի ուղեգիր նվաճելուց հետո կիսվել է տպավորություններով։
«Նախկինում էլ եղել է, երբ հաղթել կամ պարտվել եմ վերջին վայրկյաններին, բայց սա այլ իրավիճակ էր։ Մենք առջևում էինք հաշվի մեջ, սակայն դա բավարար չէր։ Պետք էր ինչ-որ բան փոխել և ռիսկի դիմել։ Վերջնամասում բաց թողած գոլը կարող էր հաշիվը դարձնել 3:3, և մենք դուրս կմնայինք մրցաշարից։ «Ռեալի» նկատմամբ հաղթանակը միշտ էլ արժեքավոր է, բայց այդ պահին պետք էր գնալ վա բանկ։ Մենք ուժեղ չենք երկրորդ հարկում խաղում, բայց մեծ տղան գնաց առաջ և խփեց հիասքանչ գոլ։ Անկախ մեր ապագայից Չեմպիոնների լիգայում՝ սա պատմական հաղթանակ է»,- Մոուրինյոյի խոսքը մեջբերում Record-ը։
Հիշեցնենք, որ պորտուգալական ակումբի չորրորդ գոլն ավելացված 8-րդ րոպեին խփել էր ուկրաինացի դարպասապահ Անատոլի Տրուբինը։ Այդ գոլի շնորհիվ Ժոզե Մոուրինյոյի գլխավորած թիմը գրավել էր 24-րդ տեղն ու նվաճել անցումային փլեյ-օֆֆի ուղեգիր։
