05.06.2026 | 10:25
Պուտինը ԵՄ-ին ինտեգրման Հայաստանի ծրագրերը «մտահոգություն առաջացնող» է անվանել
Չեմպիոնների լիգա․ Մխիթարյանը խաղացել է «Բորուսիայի» դեմ, հայտնի են փլեյ-օֆֆի բոլոր մասնակիցները․ ՏԵՍԱՆՅՈՒԹ
29.01.2026 | 11:23
Ֆուտբոլի Չեմպիոնների լիգայում կայացել են Լիգայի փուլի վերջին տուրի հանդիպումները։
Իտալական «Ինտերը» Գերմանիայում 2:0 հաշվով հաղթել Հենրիխ Մխիթարյանի նախկին ակումբ Դորտմունդի «Բորուսիային» (տեսանյութ)։ Հայաստանի հավաքականի նախկին ավագն «Ինտերի» մեկնարկային կազմում խաղացել է 88 րոպե։ «Ինտերը» գրավել է 10-րդ տեղն ու նվաճել անցումային փլեյ-օֆֆի ուղեգիր։
Չեմպիոնների լիգայում 1-8-րդ տեղ գրաված ակումբները պայքարը կշարունակեն 1/8 եզրափակիչից, իսկ 9-24-րդ տեղերի թիմերը նվաճել են անցումային փլեյ-օֆֆի ուղեգիր։
Լավագույն ութնյակում են «Արսենալը» (Անգլիա), «Բավարիան» (Գերմանիա), «Լիվերպուլը» (Անգլիա), «Տոտենհեմը» (Անգլիա), «Բարսելոնան» (Իսպանիա), «Չելսին» (Անգլիա), «Սպորտինգը» (Պորտուգալիա) և «Մանչեսթեր Սիթին» (Անգլիա)։ Մադրիդի «Ռեալն» անցումային փլեյ-օֆֆ է դուրս եկել 9-րդ տեղով։ «Արքայական ակումբը» վերջին տուրում հյուրընկալվելիս 2։4 հաշվով պարտվել է Լիսաբոնի «Բենֆիկային», որը գրավել է 24-րդ տեղը։ Պորտուգալական ակումբի չորրորդ գոլն ավելացված ժամանակում խփել է ուկրաինացի դարպասապահ Անատոլի Տրուբինը։
