29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
«Դա խայտառակություն է»․ Մբապեն՝ «Բենֆիկայի» դարպասապահի գոլի մասին․ ՏԵՍԱՆՅՈՒԹ
29.01.2026 | 13:42
Մադրիդի «Ռեալի» ֆրանսիացի հարձակվող Կիլիան Մբապեն անդրադարձել է Չեմպիոնների լիգայի 8-րդ տուրում Լիսաբոնի «Բենֆիկայից» կրած պարտությանը 2։4 հաշվով։ Պորտուգալական ակումբի չորրորդ գոլն ավելացված ժամանակում խփել էր ուկրաինացի դարպասապահ Անատոլի Տրուբինը։ Այդ գոլի շնորհիվ Ժոզե Մոուրինյոյի գլխավորած թիմը գրավել էր 24-րդ տեղն ու նվաճել անցումային փլեյ-օֆֆի ուղեգիր։
«Այն, ինչ մենք տեսանք այսօր, նորմալ չէ։ Չորրորդ գոլը խայտառակություն է։ Իրականում, երրորդը ևս ոչինչ չփոխեց, պարզապես մի քիչ ամոթ է, որ բաց ենք թողնում այդպիսի գոլեր։ Պետք է շտկենք իրավիճակը, քանի որ մինչև այս երեք լավ հանդիպում էինք անցկացրել»,- Մբապեի խոսքը մեջբերում է AS-ը։
«Բենֆիկայի» դեմ խաղում Կիլիան Մբապեն դարձել է դուբլի հեղինակ։ «Ռեալը» Չեմպիոնների լիգայի անցումային փլեյ-օֆֆ էր դուրս եկել 9-րդ տեղով։
