03.07.2026 | 01:00
ԱԱ-2026. Իսպանիան վստահ հաղթեց և 1/8 եզրափակիչում է. ՏԵՍԱՆՅՈՒԹ
ՀՀԿ խորհրդի նիստը կվարի Սերժ Սարգսյանը. Արմեն Աշոտյան
Քաղաքականություն
09.11.2018 | 16:54
Նոյեմբերի 11-ին կայանալիք ՀՀԿ խորհրդի ընդլայնված նիստը վարելու է կուսակցության առաջնորդ Սերժ Սարգսյանը: Այս մասին Factor.am-ին հայտնեց ԱԺ արտաքին հարաբերությունների մշտական հանձնաժողովի նախագահ, ՀՀԿ փոխանախագահ Արմեն Աշոտյանը:
Մեր հարցին՝ Հանրապետական կուսակցության առաջին տեղակալ Կարեն Կարապետյանը ներկա լինելո՞ւ է սպասվող նիստին, Արմեն Աշոտյանն ասաց՝ Գործադիր մարմնի այլ անդամների մասնակցության մասին այս պահին տեղեկություններ չունի:
Սերժ Սարգսյանի հրաժարականից հետո վարչապետի պաշտոնին հավակնող Կարեն Կարապետյանը, ով անցած ընտրություններին իր վրա էր վերցերլ ՀՀԿ-ի քարոզարշավի հիմնական բեռը, անցած ավելի քան վեց ամիսների ընթացքում որևէ հայտարարությամբ կամ հարցազրույցով հանդես չի եկել: Ավելին՝ որքան արագ համալրեց կուսակցության շարքերը և ստանձնեց առաջին տեղակալի պաշտոնը, նույնքան արագ էլ օտարացավ սեփական կուսակցությունից:
Ի դեպ, Հանրապետականի հրավիրած խորհրդի նիստին հնարավոր է նաև կուսակցության առաջին տեղակալի փոփոխության հարցը քննարկվի և Կարեն Կարապետյանին փոխարին Վիգեն Սարգսյանը:
Արմեն Աշոտյանից նաև հետաքրքրվեցինք՝ խորհրդի նիստից հետո կուսակցությունը պաշտոնապես կհայտարարի՞ առաջիկա ընտրություններին իր մասնակցության մասին: «Նիստից հետո կհայտարարվի մեր վերջնական որոշման մասին»,- ի պատասխան մեր հարցին՝ տեղեկացրեց ՀՀԿ փոխանախագահը:
Շողիկ Գալստյան
