02.07.2026 | 13:00
Ի՞նչ քայլեր կանի ԵՄ-ն, եթե ՌԴ-ն թանկացնի ՀՀ մատակարարվող գազը՝ ֆոն դեր Լայենը պարզաբանեց․ ՏԵՍԱՆՅՈՒԹ
ԱՄՆ-ում ռուս կանայք են ձերբակալվել, որոնք ռազմաբազայի տարածք են մտել
Քաղաքականություն
28.01.2026 | 21:36
Երկու ռուս կանայք են ձերբակալվել ԱՄՆ-ում՝ Քալիֆորնիայի Քեմփ Փենդլթոն ռազմաբազա անօրինական մուտք գործելու համար։ Այս մասին գրում է ՏԱՍՍ-ը՝ հղում անելով ԱՄՆ-ում Ռուսաստանի դեսպանատան մամուլի ծառայությանը։
Հունվարի 26-ի դեսպանատան հայտարարության համաձայն՝ կանայք հանձնվել են Միգրացիոն և մաքսային ծառայությանը (ICE) և պահվում են տեղական արտաքսման կենտրոնում՝ սպասելով հայրենադարձությանը։ Դեսպանատունը որևէ այլ մանրամասն չի տրամադրել, գրում է Meduza-ն։
Նույն օրը Shot տելեգրամ ալիքը հայտնել է Քալիֆորնիայում երկու ռուս կանանց ձերբակալության մասին: Ալիքի տվյալներով՝ նրանք Սամարայից են՝ Քրիստինան և Նատաշան (ազգանունները չեն հրապարակվել): Նշվում է, թե նրանք մեքենայով ճանապարհորդում էին երկրով մեկ և սխալմամբ են հայտնվել բազայում. GPS-ը նրանց այնտեղ է տարել մոտակայքում McDonald’s-ը փնտրելիս։
ԱՄՆ-ում բնակվող ռուսները տելեգրամ ալիքին հայտնել են, որ պարբերաբար զբոսաշրջիկները սխալմամբ այնտեղ են հայտնվում տեղանքի առանձնահատկությունների պատճառով. անցակետն ավելի հեռու է, քան բազայի մուտքը։
Թարգմանությունը՝ Էմմա Չոբանյանի
