09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Բաքվում կանխված ահաբեկչական հարձակման թիրախը Իսրայելի դեսպանատունն էր. ԶԼՄ-ներ
Քաղաքականություն
27.01.2026 | 20:21
Բացահայտվել է, թե որ երկրի դեսպանատան վրա էին հարձակում ծրագրել Ադրբեջանի Պետական անվտանգության ծառայության (ՊԱԾ) կողմից ձերբակալված երկրի երեք քաղաքացիները։ Այս մասին հաղորդում է իսրայելական Ynetnews-ը, որին վկայակոչում են ադրբեջանական լրատվամիջոցները։
Նշվում է, որ Ադրբեջանի ՊԱԾ-ը կանխել է Բաքվում Իսրայելի դեսպանատան դեմ նախատեսված ահաբեկչական հարձակումը։ Այս տեղեկատվությունը հայտնի է դարձել Իսրայելի արտաքին գործերի նախարար Գիդեոն Սաարի՝ մեծ գործարար պատվիրակության հետ Ադրբեջան այցից մեկ օր անց։
Ynetnews-ը նշում է, որ վերջին տարիներին Ադրբեջանի անվտանգության ծառայությունները կանխել են Բաքվում Իսրայելի դեսպանատան վրա մի քանի հարձակումների փորձեր։
«Իսրայելի դեսպանատունը երկրի ամենախոցելի վայրերից մեկն է և գտնվում է ուժեղացված հսկողության տակ»,- գրում է լրատվամիջոցը։
Թարգմանությունը՝ Էմմա Չոբանյանի
