28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
Ադրբեջանում օտարերկրյա դեսպանատան դեմ ահաբեկչական հարձակում է նախապատրաստվել
Քաղաքականություն
27.01.2026 | 13:50
Ադրբեջանի Պետական անվտանգության ծառայությունը հայտնել է երկրում օտարերկրյա դեսպանատան դեմ ահաբեկչական հարձակման ծրագրման մասին։ Գերատեսչությունը հայտնել է, որ անցկացված քննչական միջոցառումների ընթացքում հիմնավոր կասկածներ են առաջացել, որ Ադրբեջանի քաղաքացիներ՝ 2000 թվականին ծնված Իլգար Գուլիևը (մականունը՝ Աբու Զար ալ-Մուհաջիր), 2005 թվականին ծնված Ամին Փիրիևը (մականունը՝ Աբդուռաշիդ) և 2005 թվականին ծնված Էլվին Ալիզադեն (մականունը՝ Աբդուրահման ալ-Ազերի) ծրագրել են կրոնական ատելության հողի վրա ահաբեկչական հարձակում իրականացնել Բաքվում գտնվող օտարերկրյա դեսպանատան դեմ։
Նշվում է, որ անձինք հանցավոր հարաբերություններ են ունեցել ԻԼԻՊ ահաբեկչական կազմակերպության Վիլայաթի-Խորասան զինված խմբավորման անդամների հետ։ Նրանք ձերբակալվել են Պետական անվտանգության ծառայության աշխատակիցների կողմից դեսպանատան տարածքին մոտենալիս։
Իլգար Գուլիևին, Ամին Փիրիևին և Էլվին Ալիզադեին մեղադրանք է առաջադրվել Ադրբեջանի Քրեական օրենսգրքի 28-րդ, 214.2.1-րդ, 28-րդ, 214.2.3-րդ և 28-րդ, 214.2.6-րդ հոդվածներով (կրոնական ատելության հողի վրա նախկինում դավադրության մեջ ներգրավված անձանց խմբի կողմից ահաբեկչական գործողությունների նախապատրաստում, որպես զենք օգտագործվող առարկաների օգտագործմամբ): Նրանք կալանավորվել են։
Չի հաղորդվում, թե որ երկրի դեսպանատան դեմ է հարձակումը ծրագրվել։
Թարգմանությունը՝ Էմմա Չոբանյանի
