20.07.2026 | 23:24
Հայաստանը կունենա լեզվական պետական քաղաքականության նոր հիմնադրույթներ
Գարեգին Բ-ն այսօր Եռաբլուր չի այցելի․ Մայր Աթոռում արարողություն է եղել
Քաղաքականություն
27.01.2026 | 14:02
Ամենայն Հայոց կաթողիկոս Գարեգին Բ-ն այսօր՝ հայրենիքի համար զոհվածների հիշատակի օրվա առթիվ Եռաբլուր զինվորական պանթեոն չի այցելի։ Այս մասին Factor.am-ի հարցին ի պատասխան ասաց Մայր Աթոռի տեղեկատվական համակարգի տնօրեն Տեր Եսայի քահանա Արթենյանը։
«Մայր Աթոռում այսօր հոգեհանգստյան կարգ է կատարվել»,- ասաց տեղեկատվական բաժնի պատասխանատուն։
Հարցին՝ հունվարի 28-ին ՀՀ Բանակի օրը այց նախատեսվո՞ւմ է Եռաբլուր, Տեր Եսայի քահանա Արթենյանը նշեց, որ այս պահին դեռ պարզ չէ։
Նշենք, որ հունվարի 27-ը հիշատակի օր է սահմանվել ՔՊ-ական պատգամավոր Ռուբեն Ռուբինյանի ու «Հայաստան» խմբակցությունից հեռացած Գեղամ Նազարյանի առաջարկած օրենսդրական փոփոխությունների հիման վրա։ Այսօր կհարգեն տարբեր տարիների ռազմական գործողությունների ժամանակ հայրենիքի պաշտպանության համար իրենց կյանքը զոհածների հիշատակը։
Վաղը՝ հունվարի 28-ին էլ, հավանաբար ՀՀ բարձրագույն իշխանության ներկայացուցիչները չեն այցելի Եռաբլուր։ ՊՆ փոխնախարար Արման Սարգսյանն այսօր Factor.am-ի հարցին հստակ պատասխան չի տվել։
Նարեկ Կիրակոսյան
