Հայաստանի ազգային հավաքականի լեգենդար դարպասապահ Ռոման Բերեզովսկին կարծիք է հայտնել, որ Ռուսաստանի չեմպիոն «Կրասնոդարի» ավագ Էդուարդ Սպերցյանը պետք է տեղափոխվի եվրոպական առաջատար առաջնություն։
«Հուսով եմ, որ Սպերցյանի տեղափոխությունը կկայանա 2026 թվականին։ Նա վաղուց է ցուցադրում է բարձրակարգ խաղ, և վաղուց ժամանակն է կատարել քայլ առաջ դեպի եվրոպական առաջնություն։ Կարևոր է հասկանալ, թե կոնկրետ որտեղ կտեղափոխվի նա։ Սպերցյանի տվյալները լիովին բավարար են թոփ-5 լիգաների մեծ ակումբներում խաղալու և իր մասին բարձրաձայնելու համար։ Հուսով եմ՝ եթե ոչ ձմռանը, ապա ամռանը տրանսֆերը կկայանա»,- Ռոման Բերեզովսկու խոսքը մեջբերում է Metaratings.ru-ն։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում Հայաստանի հավաքականի կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
