20.10.2026 | 23:17
COP17-ի շրջանակում քննարկվել է ավանդական գիտելիքի դերը կենսաբազմազանության պահպանության գործում
ՀԱԿ-ից կլինե՞ն «Իմ քայլը» դաշինքի ցուցակում
Քաղաքականություն
09.11.2018 | 15:28
Հայաստանի առաջին նախագահ Լևոն Տեր-Պետրոսյանի ղեկավարած «Հայ ազգային կոնգրեսը» դեռ որոշում չունի՝ մասնակցելո՞ւ է արտահերթ խորհրդարանական ընտրություններին, թե՞ ոչ: Այս մասին Factor.am-ին փոխանցեց առաջին նախագահի մամուլի խոսնակ Արման Մուսինյանը՝ առանց հստակեցնելու, թե երբ իրենց ոորշման մասին կհայտարարեն:
«Չեմ կարող հստակ օր ասել: Հենց եղավ, կիմանաք»,- ասաց Արման Մուսինյանը:
Նոր Ընտրական օրենսգրքի ընդունման տապալումից հետո մամուլում լուրեր շրջանառվեցին, որ ՀԱԿ-ի անդամներից որոշներին հնավոր է տեսնել «Իմ քայլը» դաշինքի ցուցակում, սակայն կուսակցությունից Զոյա Թադևոսյանը կտրուկ հերքել էր շրջանառվող լուրերը՝ դրանք որակելով որպես «մուտիլովկա»:
Այսօր Factor.am-ը փորձեց շրջանառվող լուրերի իսկությունը ճշտել նաև «Քաղաքացիական պայմանագիր» կուսակցության մամուլի խոսնակ Վահան Կոստանյանից, որը խնդրեց սպասել ցուցակների հրապարակմանը:
