20.02.2026 | 16:02
Ժաննա Անդրեասյանը հանդիպել է դեսպան Ալեքսանդրա Քոուլին
Ռուսաստանը զանգվածային հարված է հասցրել Օդեսային. 22 մարդ է վիրավորվել
Քաղաքականություն
27.01.2026 | 11:37
Ռուսական զորքերը հունվարի լույս 27-ի գիշերը ԱԹՍ-ներով զանգվածային հարված են հասցրել ուկրաինական Օդեսային, հայտարարել է քաղաքի ռազմական վարչակազմի ղեկավար Սերգեյ Լիսակը, գրում է Current time-ը։
Նրա տեղեկացմամբ՝ հարձակման հետևանքով վնասվել են ենթակառուցվածքներ, բնակելի շենքեր, մանկապարտեզ, խանութ և շինհրապարակ։ Վիրավորվել է 22 մարդ, որոնցից 14-ը տեղում բժշկական օգնություն է ստացել։ Իրավիճակն առավել ծանր է Հաջիբեյ շրջանում, որտեղ ավերվել է բնակելի շենքի մի մասը․ փլատակների տակ մարդիկ կարող են լինել։
Ուկրաինայի արտակարգ իրավիճակների պետական ծառայության նախնական տվյալներով՝ փլատակների տակ կարող է երեք մարդ լինել։ Փրկարարական աշխատանքները շարունակվում են,։
Խարկովի մարզային ռազմական վարչակազմի ղեկավար Օլեգ Սինեգուբովն էլ հայտնել է, որ հունվարի 26-ի երեկոյան ռուսական հարձակման հետևանքով շրջանի շուրջ 80%-ը մնացել է առանց էլեկտրաէներգիայի։ Նա նշել է, որ վնասը «բավականին լուրջ» է։
«Դա համակցված հարձակում էր՝ հրթիռային հարվածներ և անօդաչու թռչող սարքեր։ Երկու մարդ վիրավորվել է»,- հավելել է Սինեգուբովը։
Խարկովի արդյունաբերական շրջանում վնասվել է նաև երկու դպրոց։
Ռուսական զորքերը հունվարի լույս 27-ի գիշերն Ուկրաինայի վրա հարձակվել են 165 անօդաչու թռչող սարքերով, որոնցից 135-ը խոցվել է, հայտնել է Ուկրաինայի ռազմաօդային ուժերի հրամանատարությունը։
Թարգմանությունը՝ Էմմա Չոբանյանի
