02.07.2026 | 12:18
«Բարև ձեզ, ինչի՞ եք եկել», «Ո՞վ եք Դուք, որ ասեք՝ ինչի եք եկել»․ բանավեճ ԱԺ-ում․ ՏԵՍԱՆՅՈՒԹ
Իսրայելը ցանկանում է Ադրբեջանի հետ ռազմավարական գործընկերությունը հասցնել հաջորդ փուլի
Քաղաքականություն
26.01.2026 | 22:21
Մենք ցանկանում ենք ներդրումներ կատարել Ադրբեջանում ավելի շատ ոլորտներում, մասնավորապես, պաշտպանության, էներգետիկայի, ջրային ռեսուրսների, տեխնոլոգիաների և կիբերանվտանգության ոլորտներում։ Այս մասին հայտարարել է Իսրայելի արտաքին գործերի նախարար Գիդեոն Սաարը՝ ադրբեջանա-իսրայելական բիզնես ֆորումում ունեցած ելույթում։
Նա խրախուսել է ադրբեջանցի ձեռնարկատերերին՝ ներդրումներ կատարել այս գործընկերության շրջանակում. «Մենք շատ բան ունենք առաջարկելու, և մենք ցանկանում ենք կիսվել դրանով ձեզ հետ»։
Սաարը նշել է, որ Իսրայելն ու Ադրբեջանը շատ ընդհանրություններ ունեն։
«Ես համոզված եմ, որ երկու երկրներն էլ հանձնառու են իրենց տարածաշրջաններում կայունությանը և ունեն զարգացած տնտեսություններ։ Վերջին տարիներին երկուսս էլ բախվել ենք լուրջ մարտահրավերների, բայց այդ դժվարություններից դուրս ենք եկել ավելի ուժեղ։ Մենք ցանկանում ենք այս ռազմավարական գործընկերությունը հասցնել հաջորդ փուլի։ Մենք մտադիր ենք ավելացնել փոխադարձ ներդրումներն ու կապերը։ Վստահ եմ, որ կարող ենք դրան հասնել»,- ասել է իսրայելցի պաշտոնյան։
Թարգմանությունը՝ Էմմա Չոբանյանի
