Աշխարհի ամենաուժեղ բանակն ԱՄՆ-ինն է. որ տեղում է Հայաստանը

Աշխարհի ամենաուժեղ բանակների վարկանիշային աղյուսակում Ռուսաստանը զբաղեցրել է երկրորդ տեղը, իսկ Ուկրաինան՝ 20-րդը։ Global Firepower վերլուծական պորտալն այս վարկանիշը կազմում է ամեն տարի՝ հիմնվելով 60 ցուցանիշների վրա, որոնք որոշում են 145 երկրների պաշտպանական ուժի ինդեքսը։ Այս չափանիշները ներառում են ոչ միայն զորքերի թվաքանակը, այլև երկրի տնտեսությունը, աշխարհագրական դիրքը և ժողովրդագրական ներուժը, գրում է DW-ի ռուսական ծառայությունը։

Առաջին տեղում Միացյալ Նահանգներն է, որին հաջորդում է Ռուսաստանը: Վերլուծաբանները ռուսական բանակի թույլ կողմերի թվում նշել են վառելիքի, գազի և ածխի բարձր սպառումը, ուղղաթիռներ տեղափոխելու ունակ նավերի պակասը և երկար ընդհանուր սահմանը: Չինաստանը, Հնդկաստանը և Հարավային Կորեան նույնպես ընդգրկվել են առաջին հնգյակում:

Ուկրաինական բանակը զբաղեցնում է 20-րդ տեղը։ Նրա ուժեղ կողմերից են բանակի և պահեստազորի չափը, ռազմական տեխնիկայի քանակը և պաշտպանական ծախսերի ծավալը։ Վերլուծաբանները որպես թույլ կողմեր ​​նշել են սուզանավերի և խոշոր ռազմանավերի բացակայությունը, ինչպես նաև ածխի, նավթի և գազի բարձր սպառումը։

Գերմանական բանակը զբաղեցնում է 12-րդ տեղը։ Նրա թույլ կողմերից են նաև բրածո վառելիքի բարձր սպառումը, արտաքին պարտքի չափը և ռազմանավերի պակասը։

Թուրքիան Global Firepower-ի վարկանիշում 9-րդն է, Իրանը՝ 16-ը, Ադրբեջանը՝ 60-րդը, Վրաստանը՝ 95-րդը, իսկ Հայաստանը 2,2016 միավորով 101-րդ հորիզոնականում է։

Թարգմանությունը՝ Էմմա Չոբանյանի