26.01.2026 | 18:09
Թղթե տոպրակները շատ տեղերում կիրառելի են․ նախարարը՝ պոլիէթիլենային տոպրակների մասին․ ՏԵՍԱՆՅՈՒԹ
Հայաստանի հետ խաղաղությունը կհանգեցնի տարածաշրջանի բարգավաճմանը. Իսրայելի ԱԳ նախարար
Քաղաքականություն
26.01.2026 | 17:08
ԱՄՆ նախագահ Դոնալդ Թրամփի միջնորդությամբ Ադրբեջանի և Հայաստանի միջև խաղաղությունը կհանգեցնի տարածաշրջանի բարգավաճմանը։ Այս մասին հայտարարել է Իսրայելի արտաքին գործերի նախարար Գիդեոն Սաարը Բաքվում Ադրբեջանի արտաքին գործերի նախարար Ջեյհուն Բայրամովի հետ համատեղ մամուլի ասուլիսում։
«Միևնույն ժամանակ, նախագահ Իլհամ Ալիևն առաջ է տանում Ադրբեջանը»,- հավելել է նա։
Ադրբեջանական կողմի հաղորդմամբ՝ հանդիպման ընթացքում Ադրբեջանի արտաքին գործերի նախարար Ջեյհուն Բայրամովն իր իսրայելցի գործընկերոջը տեղեկացրել է Հարավային Կովկասում շարունակվող խաղաղության գործընթացի և Հայաստանի հետ հարաբերությունների կարգավորման, ինչպես նաև Վաշինգտոնի պատմական գագաթնաժողովում ձեռք բերված պայմանավորվածությունների մասին։ Բայրամովն ու Սաարը կարծիքներ են փոխանակել Ղարաբաղի տարածքներում վերականգնողական աշխատանքների, ականների սպառնալիքի վերաբերյալ։
Համատեղ ասուլիսում Բայրամովը նշել է, որ ադրբեջանա-իսրայելական հարաբերությունները տարեցտարի դրականորեն են զարգանում։ Նա ընդգծել է, որ երկու երկրների միջև հարաբերությունները ներկայում ռազմավարական բնույթ են կրում։
Բայրամովը նաև նշել է, որ Ադրբեջանը և Իսրայելը մտքեր են փոխանակել Մերձավոր Արևելքում ստեղծված իրավիճակի վերաբերյալ և արտահայտել իրենց հանձնառությունը Գազայի հատվածում կայուն հրադադարի պահպանմանը։
Նա նշել է, որ Ադրբեջանը կողմ է այս հարցերի խաղաղ կարգավորմանը՝ բանակցությունների և դիվանագիտության միջոցով, միջազգային իրավունքի նորմերի և սկզբունքների հիման վրա։
Թարգմանությունը՝ Էմմա Չոբանյանի
