09.06.2026 | 21:37
27/7 ընտրատեղամասի տվյալները սխալ են մուտքագրվել ոչ միայն ԲՀԿ-ի դեպքում
ԵՄ խորհուրդը հաստատել է 2027 թվականից ռուսական գազի ներմուծման արգելքը
Քաղաքականություն
26.01.2026 | 15:31
ԵՄ երկրները վերջնական հաստատել են դաշինքի կողմից մինչև 2027 թվականի ավարտը ռուսական գազի ներմուծումն արգելելու ծրագիրը, և այն ուժի մեջ է մտել, հաղորդում է Reuters-ը։ ԵՄ նախարարները երկուշաբթի Բրյուսելում կայացած հանդիպման ժամանակ հաստատել են օրենքը, որին դեմ են քվեարկել Սլովակիան և Հունգարիան։ Հունգարիան հայտարարել է, որ կդիմի Եվրոպական դատարան, գրում է BBC-ի ռուսական ծառայությունը։
Դեկտեմբերի 17-ին Եվրախորհրդարանը հաստատել է ԵՄ անդամ պետությունների առաջարկը՝ 2027 թվականի նոյեմբերի 1-ից Ռուսաստանից գազի գնումները լիովին արգելելու վերաբերյալ։ Արգելքը նախատեսված էր երկրների մեծամասնության կողմից հաստատվելու համար՝ այդպիսով հաղթահարելով Հունգարիայի և Սլովակիայի դիմադրությունը, որոնք շարունակում են մեծապես կախված լինել ռուսական էներգակիրների ներմուծումից և ցանկանում են պահպանել սերտ կապերը Մոսկվայի հետ։
ԵՄ-ն կդադարեցնի ռուսական հեղուկ բնական գազի ներմուծումը մինչև 2026 թվականի վերջը, իսկ խողովակաշարային գազի ներմուծումը՝ մինչև 2027 թվականի սեպտեմբերի 30-ը։
Օրենքը թույլ է տալիս այս ժամկետը երկարաձգել մինչև 2027 թվականի նոյեմբերի 1-ը, եթե երկիրը դժվարություններ ունենա իր գազապահեստարանները ոչ ռուսական պաշարներով լցնելու հարցում մինչև ձմեռային ջեռուցման սեզոնը։
Ուկրաինայի պատերազմից առաջ Ռուսաստանը մատակարարում էր ԵՄ գազի ավելի քան 40%-ը։ ԵՄ վերջին հասանելի տվյալների համաձայն՝ այս բաժինը մինչև 2025 թվականը նվազել է մինչև մոտավորապես 13%-ի։
Թարգմանությունը՝ Էմմա Չոբանյանի
