10.09.2026 | 18:39
Իրանը ժամանակավոր դադարեցրել է էներգակիրներ փոխադրող օտարերկրյա նավերի բեռնափոխադրման վճարը
Աբու Դաբիում բանակցությունները նախատեսվում է շարունակել հաջորդ շաբաթ․ Պեսկով
Քաղաքականություն
26.01.2026 | 13:30
Աբու Դաբիում Ռուսաստան-ԱՄՆ-Ուկրաինա եռակողմ բանակցությունները, ինչպես սպասվում է, կշարունակվեն հաջորդ շաբաթ, հայտարարել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Այն [բանակցությունների շարունակությունը] նախատեսված է հաջորդ շաբաթ, ես այս պահին ճշգրիտ ամսաթիվ չեմ կարող նշել»,- լրագրողներին ասել է Պեսկովը։
Reuters-ը և Axios-ը, հղում անելով անանուն ամերիկացի պաշտոնյաների, նշել էին բանակցությունների կոնկրետ ամսաթիվ՝ փետրվարի 1։
Պեսկովը նաև հայտնել է, որ Ռուսաստանի նախագահ Վլադիմիր Պուտինը ներկայում աշխատանքային գրաֆիկում նոր հեռախոսազրույց չունի ԱՄՆ նախագահ Դոնալդ Թրամփի հետ, սակայն առկա ալիքները թույլ են տալիս, անհրաժեշտության դեպքում, գրեթե անմիջապես համաձայնեցնել նման շփումը։
«Գոյություն ունեցող հաղորդակցման ուղիները, ամերիկյան կողմի հետ երկխոսության ուղիները թույլ են տալիս մեզ արդյունավետորեն համակարգել երկկողմ շփումները ամենաբարձր մակարդակով»,- ասել է նա։
Պատերազմից հետո Ուկրաինայի, Ռուսաստանի և ԱՄՆ պատվիրակությունների միջև առաջին եռակողմ բանակցությունները տեղի են ունեցել անցյալ ուրբաթ և շաբաթ՝ հունվարի 23-24-ը, Աբու Դաբիում։ Քննարկման հիմնական թեման, ինչպես հանդիպումից հետո հայտնել են ուկրաինական պատվիրակության մասնակիցները, պատերազմի ավարտի հնարավոր պայմաններն էին։ Երեք կողմերն էլ բանակցությունները գնահատել են արդյունավետ։
