26.01.2026 | 14:28
Լրագրողների դեմ նվաստացուցիչ մոտեցումներով աչքի են ընկել ԱԺ նախագահը, ՔՊ-ականներ,Գյումրիի քաղաքապետը. ՏԵՍԱՆՅՈՒԹ
Կուբանի Սլավյանսկում նավթավերամշակման գործարանում ԱԹՍ-ների հարձակումից հետո հրդեհ է բռնկվել
Քաղաքականություն
26.01.2026 | 13:11
ՌԴ Կուբանի Սլավյանսկում ԱԹՍ-ների բեկորների անկումից հետո երկու ձեռնարկություններում հրդեհներ են բռնկվել, հայտնել է Կրասնոդարի երկրամասի օպերատիվ շտաբը։ Մեկ մարդ վիրավորվել է և տեղափոխվել հիվանդանոց, գրում է Current time-ը։
Ուկրաինական Exilenova+ և Supernova+ տելեգրամ ալիքները հաղորդում են, որ անօդաչու թռչող սարքերը հարձակվել են նավթավերամշակման գործարանի վրա: Քաղաքում է գտնվում տարածաշրջանի ամենամեծ նավթավերամշակման գործարաններից մեկը՝ «Սլավյանսկ Էկոն», որը նախկինում հարձակման էր ենթարկվել Ուկրաինայի զինված ուժերի կողմից:
2024 թվականի ապրիլին, անօդաչու թռչող սարքերի հարձակումից հետո, նավթավերամշակման գործարանը մասամբ դադարեցրել էր գործունեությունը:
Բացի այդ, Սլավյանսկում մասնավոր տներ են վնասվել «անօդաչուների բեկորների անկման պատճառով»։
Ռուսաստանի պաշտպանության նախարարությունը հայտնել է, որ հունվարի լույս 26-ի գիշերը (ժամը 23:00-ից մինչև առավոտյան 7:00-ն) երեք շրջաններում և Ազովի ծովում խոցվել է ուկրաինական 40 անօդաչու թռչող սարք, այդ թվում՝ 34-ը՝ Կրասնոդարի երկրամասում։
Թարգմանությունը՝ Էմմա Չոբանյանի
