Հայաստանի ներկայացուցիչ Դանիլ Սարգսյանը երկրորդ տեղն է գրավել Թունիսում կայացած ITF-ի M15 մրցաշարի զուգախաղում, հաղորդում է ՀԹՖ մամուլի ծառայությունը։
Հայ թենիսիստը հոլանդացի խաղընկերոջ հետ դուրս է եկել եզրափակիչ, որտեղ 6։4, 3։6, 8:10 հաշվով պարտվել է Չինաստանի ներկայացուցիչներին։
Սարգսյանն ու խաընկերը պայքարը սկսել էին 1/8 եզրափակիչից։
Մենախաղի մեկնարկում հայ թենիսիստը 3։6, 6։4 (6:10) հաշվով պարտվել էր ITF դասակարգման 543-րդ համար, բրիտանացի Ուիլիամ Նոլանին ու դուրս մնացել պայքարից։
Հիշեցնենք, որ 19-ամյա Սարգսյանը վերջերս է փոխել մարզական քաղաքացիությունը և ներկայացնում է Հայաստանը։ Նա ծնվել է Պերմում։ 16 տարեկանում տեղափոխվել է Իսպանիա և մարզվել է իսպանացի լեգենդար թենիսիստ Ռաֆայել Նադալի ակադեմիայում։
