25.01.2026 | 17:37
Եվրո-2026․ Ֆուտզալի Հայաստանի հավաքականը հաղթեց Չեխիային ու ապահովեց փլեյ-օֆֆի ուղեգիր
Schneider Electric ընկերության հետ քննարկվել է էներգետիկ համակարգերի ոլորտում ռազմավարական համագործակցության հեռանկարները․ ԲՏԱ
25.01.2026 | 16:50
Շվեյցարիա կատարած աշխատանքային այցի շրջանակում ԲՏԱ նախարարի առաջին տեղակալ Գևորգ Մանթաշյանը մասնակցել է Դավոսում անցկացվող Համաշխարհային տնտեսական ֆորումին։ Այս մասին տեղեկացնում է ԲՏԱ նախարարությունը։
Նշվում է, որ ֆորումի ընթացքում կայացել են բարձր մակարդակի հանդիպումներ միջազգային առաջատար ընկերությունների և գործընկեր երկրների ներկայացուցիչների հետ:
«Մասնավորապես, հանդիպում է տեղի ունեցել Schneider Electric ընկերության ղեկավարության հետ, որի ընթացքում քննարկվել են էներգետիկ համակարգերի և հանրային ենթակառուցվածքների ոլորտում ռազմավարական համագործակցության հեռանկարները։
Ֆորումի շրջանակներում ԲՏԱ նախարարի առաջին տեղակալը Ներդրումների աջակցման կենտրոնի գործադիր գլխավոր տնօրեն Գոհար Աբաջյանի մասնակցությամբ հանդիպում է ունեցել նաև Հայաստանի Հանրապետության և Քուվեյթի Պետության տնտեսական և տեխնիկական համագործակցության միջկառավարական հանձնաժողովի համանախագահ, Քուվեյթի Պետության Էլեկտրաէներգիայի, ջրի և վերականգնվող էներգիայի նախարար, ֆինանսների գործող նախարար, տնտեսական հարցերի և ներդրումների պետնախարար, դոկտոր Սաբիհ Աբդուլազիզ ալ-Մուխաիզիմի հետ»,-ասված է հաղորդագրության մեջ։
Նշենք, որ Հայաստանի Հանրապետության և Քուվեյթի Պետության տնտեսական և տեխնիկական համագործակցության միջկառավարական հանձնաժողովի հայկական կողմի համանախագահն է ԲՏԱ նախարար Մխիթար Հայրապետյանը։
