28.10.2026 | 23:23
Քննարկվել են Լուվրի և Հայաստանի պատմության թանգարանի միջև համագործակցության հեռանկարները
ԱՄՆ-ի, Ուկրաինայի և ՌԴ-ի միջև բանակցությունների հաջորդ փուլը կարող է փետրվարի 1-ին անցկացվել․ Axios
Քաղաքականություն
25.01.2026 | 16:00
ԱՄՆ-ի, Ռուսաստանի և Ուկրաինայի միջև Աբու Դաբիում կայացած եռակողմ բանակցությունները «արդյունավետ» են եղել և առաջընթաց գրանցել։ Այս մասին հայտնում է Axios-ը՝ հղում անելով իր աղբյուրներին։
Ըստ լրատվամիջոցի՝ ԱՄՆ պաշտոնյաները, որոնք չեն ցանկացել հրապարակել իրենց անունները, նշել են, որ Աբու Դաբիում հաջող բանակցությունների համար հիմք են հանդիսացել ԱՄՆ նախագահ Դոնալդ Թրամփի և Ուկարինայի նախագահ Վլադիմիր Զելենսկիի Դավոսում հանդիպումը, ինչպես նաև ԱՄՆ բանագնացներ Սթիվ Ուիթկոֆի, ԱՄՆ նախագահի փեսա Ջարեդ Քուշների և ՌԴ նախագահ Վլադիմիր Պուտինի միջև Մոսկվայում տեղի ունեցած չորսժամյա հանդիպումը։
Աբու Դաբիում կայացած բանակցությունները սկսվել են ուրբաթ և շարունակվել շաբաթ՝ ամերիկացի միջնորդների համատեղ հանդիպումներով։
Axios-ը, հղում անելով ուկրաինացի պաշտոնյայի, գրում է, որ բացի եռակողմ հանդիպումը, երկկողմ հանդիպում է եղել նաև ռուս և ուկրաինացի բանագնացների միջև։
Ավելի ուշ Զելենսկին հայտարարել է, որ բանակցությունները «կառուցողական» են եղել և հավելել, որ քննարկումների ուշադրության կենտրոնում «պատերազմը դադարեցնելու հնարավոր կարգավորումներն» են եղել։
Սպիտակ տան բանագնաց Սթիվ Ուիթքոֆը բանակցությունների հետո X-ում գրել է․ «Բանակցությունները շատ կառուցողական էին, և ծրագրվեց շարունակել խոսակցությունը հաջորդ շաբաթ Աբու Դաբիում: Նախագահ Թրամփը և իր ամբողջ թիմը նվիրված են այս պատերազմին խաղաղություն բերելուն»:
Axios-ը՝ վկայակոչելով ամերիկացի մի պաշտոնյայի, նաև գրել է, որ բանակցությունների հաջորդ փուլը Աբու Դաբիում կարող է անցկացվել փետրվարի 1-ին։
