18.08.2026 | 19:45
OpenAI-ը ChatGPT-ի՝ դեռահասների համար նախատեսված ռեժիմ է գործարկել՝ սահմանափակումներով և ծնողական վերահսկողությամբ
Թրամփը Կանադային սպառնում է 100% մաքսատուրքով
Քաղաքականություն
25.01.2026 | 14:35
ԱՄՆ նախագահ Դոնալդ Թրամփը սպառնացել է 100% մաքսատուրք սահմանել կանադական ապրանքների վրա, եթե երկիրը առևտրային համաձայնագիր կնքի Չինաստանի հետ։ Այս մասին հայտնել է ԱՄՆ նախագահը Truth Social-ում։
Թրամփը Կանադայի վարչապետին նահանգապետ է անվանել․
«Եթե նահանգապետ Քարնին կարծում է, թե կարող է Կանադան վերածել «տարանցիկ կետի» Միացյալ Նահանգներ ուղարկվող չինական ապրանքների և արտադրանքի համար, նա խորապես սխալվում է: Չինաստանը Կանադան կենդանի կխժռի, ամբողջությամբ կուլ կտա նրան, կավերի բիզնեսը, սոցիալական կառույցը և երկրի կենսակերպը ընդհանրապես»:
Անցյալ շաբաթ Կանադայի վարչապետ Քարնին հայտարարել էր Չինաստանի հետ «ռազմավարական գործընկերության» մասին և համաձայնել նվազեցնել մաքսատուրքերը։ Այդ ժամանակ Թրամփը այդ քայլը անվանեց «լավ բան»։
ԱՄՆ-ի և Կանադայի միջև լարվածությունը մեծացել է այն բանից հետո, երբ Քարնին Դավոսում ունեցած ելույթում քննադատել է ԱՄՆ վարչակազմի վարած քաղաքականությունը։
Նա նաև կոչ էր արել մյուս «միջին ուժերին» միավորվել «մեծ տերությունների» կողմից տնտեսական հարկադրանքի դեմ, չնայած Թրամփի անունը չէր հիշատակել։
Հաջորդ օրը Թրամփը իր ելույթում պատասխանել է այդ դիտողություններին՝ ասելով. «Կանադան ապրում է Միացյալ Նահանգների շնորհիվ»։
ԱՄՆ նախագահը նաև հետ կանչեց Կանադային ուղղված հրավերը՝ միանալու իր նոր «Խաղաղության խորհրդին»։
Կանադայի և ԱՄՆ-ի միջև առևտրի հարցերով պատասխանատու, Կանդային առևտրի նախարար Դոմինիկ ԼեԲլանկը հայտնել է. «Չինաստանի հետ ազատ առևտրի համաձայնագրի ձգտում չկա»։
Քարնիի և Չինաստանի նախագահ Սի Ցզինպինի միջև անցյալ շաբաթ կնքված համաձայնագրի համաձայն՝ Չինաստանը մինչև մարտ ամիսը կնվազեցնի կանադական կանոլայի յուղի մաքսատուրքերը 85%-ից մինչև 15%, մինչդեռ Կանադան չինական էլեկտրական մեքենաները կհարկի առավել բարենպաստ դրույքաչափով՝ 6.1%։
