Արթուր Միրանյանը 5-րդ գոլն է խփել Իսրայելի առաջնությունում․ ՏԵՍԱՆՅՈՒԹ
«Բնեյ Սախնինի» հարձակվող Արթուր Միրանյանը գոլի հեղինակ է դարձել Իսրայելի առաջնության 20-րդ տուրում։
«Իրոնի Տիբերիասի» դեմ արտագնա խաղում 30-ամյա Միրանյանը 66-րդ րոպեին բացել է հաշիվը։ Ավելացված ժամանակում դաշտի տերերը խփել են պատասխան գոլն ու խուսափել պարտությունից՝ 1։1։
Ընթացիկ առաջնությունում Արթուր Միրանյանը մասնակցել է 18 խաղի ու դարձել 5 գոլի հեղինակ։ «Բնեյ Սախնինը» 27 միավորով 6-րդ տեղում է 14 թիմերի պայքարում։