28.07.2026 | 15:39
Արարատի մարզի միասնական երթուղային ցանցը կսպասարկվի 87 նոր տրանսպորտային միջոցով
Ջասթին Գեյջին հաղթել է Փեդի Փիմբլեթին ու դարձել UFC-ի ժամանակավոր չեմպիոն․ ՏԵՍԱՆՅՈՒԹ
25.01.2026 | 12:56
Ամերիկացի Ջասթին Գեյջին դարձել է UFC-ի թեթև քաշային կարգի ժամանակավոր չեմպիոն։
Լաս Վեգասում կայացած UFC 324 մրցաշարի գլխավոր մենամարտում Գեյջին մրցավարների միաձայն որոշմամբ հաղթել է բրիտանացի Փեդի Փիմբլեթին, որն առաջին պարտությունն է կրել UFC-ում։ Գրանցվել է 49-46, 49-46, 48-47 հաշիվը։
Ջասթին Գեյջին առաջին մարտիկն է, որը կարիերայում երկրորդ անգամ է արժանանում UFC-ի ժամանակավոր չեմպիոնի գոտուն։ 37-ամյա ամերիկացին խառը մենամարտերում մասնակցել է 32 հանդիպման, տարել 27 հաղթանակ ու կրել 5 պարտություն։
UFC-ի թեթև քաշային կարգի դասակարգման առաջատարն Արման Ծառուկյանն է, իսկ գործող չեմպիոնը՝ Իլյա Տոպուրիան։ Սպասվում է, որ Իլյա Տոպուրիան հաջորդ մենամարտը կանցկացնի Ջասթին Գեյջիի հետ։
