03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Նոր քննություն կկազմակերպվի․ Սյունիքում ձյան և բքի պատճառով 4 տասնյակ դիմորդ չի կարողացել ներկայանալ քննական կենտրոն
Հասարակություն
24.01.2026 | 19:46
Սյունիքում փակ ճանապարհների պատճառով Սիսիանից և հարակից գյուղերից մի քանի տասնյակ դիմորդներ չեն կարողացել հասնել Գորիսի քննական կենտրոն։ Այս մասին Factor TV-ի հետ զրույցում հայտնեց Գնահատման և թեստավորման կենտրոնի մամուլի խոսնակ Խաչանուշ Գրիգորյանը։
Նրա խոսքով՝ դիմորդները պետք է «Հայոց լեզու և գրականություն» առարկայից միասնական քննությանը մասնակցեին։ Դպրոցում, որում ընթացել է քննությունը, գրանցված 158 դիմորդներից մասնակցել է 118-ը, 40-ը բացակայել է։
Գրիգորյանի խոսքով՝ Սյունիքում երկու քննական կենտրոններ կան․ երկրորդ կենտրոնն էլ Կապանի թիվ 7 հիմնական դպրոցում է՝ Կապանի և Մեղրիի դիմորդների համար։ Այստեղ 127 դիմորդներից ընդամենը 2-ն են բացակա, ինչը նորմալ է համարվում, այսինքն՝ այստեղ խնդիր չի եղել։
«ԿԳՄՍ նախարարության հետ քննարկումից հետո որոշում է կայացվել փետրվար ամսվա վերջում եղանակի պատճառով քննական կենտրոն չներկայացածների համար քննություն կազմակերպել, որպեսզի դիմորդները չզրկվեն այս փուլում քննություն հանձնելու հնարավորությունից՝ իրենցից անկախ պատճառով։ Ավելի հստակ՝ քննության օրվա և վայրի մասին,ԳԹԿ-ն կտեղեկացնի լրացուցիչ»,- հայտնեցին կենտրոնից:
Եվգենյա Համբարձումյան
