03.04.2026 | 12:42
Իսակովի պողոտայում հետիոտնի համար նախատեսված հատվածով երթևեկող վարորդները հայտնաբերվել են․ կազմվել են արձանագրություններ
ԱՄՆ-ը դուրս է եկել ԱՀԿ-ից՝ առանց 260 միլիոն դոլար պարտքը վճարելու
Քաղաքականություն
24.01.2026 | 19:26
Միացյալ Նահանգներն ավարտել է Առողջապահության համաշխարհային կազմակերպությունից (ԱՀԿ) դուրս գալու գործընթացը։ Համապատասխան հայտարարությունը հրապարակվել է ԱՄՆ Առողջապահության նախարարության կայքում։ Bloomberg-ի և Reuters-ի տվյալներով՝ ԱՄՆ կառավարությունը չի վճարել կազմակերպությանը մոտ 260 միլիոն դոլարի չափով պարտքը։ Associated Press-ը այս պարտքը գնահատել է ավելի քան 130 միլիոն դոլար։
ԱՄՆ կողմը պարզաբանել է ԱՀԿ-ից իր դուրս գալը՝ նշելով «կազմակերպության կողմից չինական Ուհան քաղաքում ծագած COVID-19 համավարակին անբավարար արձագանքը, անհապաղ անհրաժեշտ բարեփոխումներ չձեռնարկելու և ԱՀԿ անդամ պետությունների կողմից անհարկի քաղաքական ազդեցությունից անկախություն չցուցաբերելու անկարողությունը»։
Ամերիկյան կառավարությունը հրաժարվել է վճարել Առողջապահության համաշխարհային կազմակերպությանը կազմակերպությունից դուրս գալուց առաջ։ ԱՄՆ Առողջապահության նախարարության և Պետդեպարտամենտի համատեղ հայտարարության մեջ նշվում է, որ Միացյալ Նահանգները մեկ տարի շարունակ չի ֆինանսավորել ԱՀԿ նախագծերը կամ չի կատարել նվիրատվություններ։ «Ամերիկացի ժողովուրդը վճարել է ավելին, քան բավարար է», – նշել է Պետդեպարտամենտի խոսնակը։
Reuters-ի տվյալներով՝ Միացյալ Նահանգները ԱՀԿ-ի ամենամեծ դոնորն էր՝ կազմելով կազմակերպության ընդհանուր ֆինանսավորման մոտ 18%-ը։ ԱՄՆ-ի դուրս գալու ծրագրերի ֆոնին ԱՀԿ-ն մինչև 2026 թվականի կեսերը կկրճատի իր աշխատակիցների մոտ մեկ քառորդը։
Թարգմանությունը՝ Անահիտ Խաչատրյանի
