16.11.2024 | 16:41
Հայաստանի ազգային հավաքականը մեկնել է Lատվիա
Որ հեռուստաընկերություններն ու լրատվամիջոցներն են առավել ակտիվ ԱԺ արտահերթ ընտրություններին ընդառաջ․ ՏԵՍԱՆՅՈՒԹ
Քաղաքականություն
09.11.2018 | 13:33
Երևանի մամուլի ակումբն ԱԺ արտահերթ ընտրությունների լուսաբանման վերաբերյալ մշտադիտարկում է իրականացրել, որի նախնական փուլի արդյունքներն այսօր հրավիրված քննարկման ընթացքում ներկայացրեց մամուլի ակումբի նախագահ Բորիս Նավասարդյանը։
Վերջինս նշեց, որ մշտադիտարկում է իրականացվել 8 էլեկտրոնային լրատվամիջոցի և 6 հեռուստաընկերության շրջանում։
«Ըստ նախնական արդյունքի՝ այս շրջանում առավել ակտիվ են Հանրային հեռուստաընկերությունը։ Հ1-ի առավել ակտիվությունը պայմանավորված է նրանով, որ բավական շատ պաշտոնական տեղեկություններ էր հեռարձակում։ Հաջորդ ակտիվ հեռուստաընկերությունը «Շանթ»-ն է։ Ընդհանուր առմամբ՝ հեռուստաընկերություններում բավական բազմազան են եղել ներկայացված տեսակետները»,- ասաց Բորիս Նավասարդյանը՝ նշելով, որ առաջատար Հ1-ը ցուցաբերում է քաղաքական չեզոքություն, որը սկսեց արտահայտվել 2012թ. խորհրդարանական ընտրություններից հետո։
Բորիս Նավասարդյանը նաև ընդգծեց, որ մշտադիտարկման հիմքում դրվել են նշանային բնութագրիչներ, այսինքն՝ ուսումնասիրվել են հրապարակումներ՝ ըստ դրանցում հնչեցված դրական և բացասական գնահատականների։
«Այս առումով՝ առավել ինտենսիվ էր լուսաբանումը Կառավարության և վարչապետի գործունեության, Ընտրական օրենսգրքի փոփոխությունների նախագծի վերաբերյալ և բացասական գնահատականների առումով ակտիվ էր ՀՀԿ-ն և ՀՅԴ-ն։ Բացասական գնահատականներ շատ կային հատկապես Երկիր մեդիա ՀԸ-ում և news.am կայքում»,- ասաց նա:
Մանրամասները՝ տեսանյութում։
