Մեզ հետ կապ ունի՞, թե՞ ոչ. Ադրբեջանի պատգամավորները վիճել են «ազերի» բառի շուրջ

Լուրեր

21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
Բոլորը

Ադրբեջանի Միլլի Մեջլիսի մարդու իրավունքների հանձնաժողովի նիստում պատգամավորների շրջանում քննարկում է ծագել «ազերի» (azəri) բառի օգտագործման վերաբերյալ։ Հանձնաժողովի նիստում ունեցած ելույթում պատգամավոր Սայադ Արանը նշել է, որ «ազերի» բառը «որևէ կապ չունի ադրբեջանական ժողովրդի հետ», և այս արտահայտության օգտագործումը պաշտոնական անվանումներում պետք է վերանայվի։

«Հեռուստատեսությամբ լեզվի նսեմացումը հիմնական խնդիրներից է։ Հաղորդավարների՝ լեզվի նկատմամբ անտարբեր վերաբերմունքը մարդկանց զայրացնում է»,- ասել է պատգամավորը՝ հավելելով, որ երկրում մի շարք հաստատություններ կոչվում են «Ազերխալչա», «Ազերսու», «Ազերիշիգ», սակայն «Ազերիգազ» անվան ընտրությունը հարցեր է առաջացնում։

Սայադ Արանը քննադատել է «Ազերիգազ» անվանումը՝ հայտարարելով. «Ո՞ր խելացի մարդն է գրել այս բառը: «Ազերիգազ» բառը մեզ հետ կապ չունի: Ի՞նչ խելքով եք այն անվանել «Ազերիգազ»»։

Պատգամավորի խոսքով՝ համաձայն չէ նաև այն բանի հետ, թե ինչպես են Թուրքիայում Ադրբեջանի քաղաքացիներին անվանում «ազերի եղբայրներ» և նշել, որ ինքը դրա դեմ առարկել է հյուպատոսարանում աշխատելու տարիներին: Նրա խոսքով՝ ««ազերի» բառը մեզ հետ կապ չունի, դա Իրանում ապրող ազգային փոքրամասնություն է», հավելելով, որ «Ազերիգազի անվանումը պետք է ուղղվի»։

Պատգամավոր Հիքմեթ Բաբաօղլուն հակադարձել է Սայադ Արանին և ասել, որ «ազեր» և «ազերի» բառերից հրաժարվելը կնշանակի «հրաժարվել մեզանից և մեր պետությունից»։

Հիքմեթ Բաբաօղլուն նաև վիճարկել է այն միտքը, որ «ազերի» անունը տրվել է խորհրդային ժամանակաշրջանում և նշել, որ այն պնդումը, որ «Իրանում կա պարսկական ծագում ունեցող էթնիկ խումբ, որը կոչվում է «ազերի»», ճիշտ չէ։

«Նույնիսկ եթե խոշորացույցով փնտրեք, չեք գտնի: Իրանում նման էթնիկ խումբ չկա: Որովհետև ազերին հենց մենք ենք»,- ասել է պատգամավորը:

Թարգմանությունը՝ Էմմա Չոբանյանի