28.07.2026 | 16:45
Թրամփը սիրում է հաղթողներին․ նրա կարծիքով՝ Զելենսկին ավելի ու ավելի է նմանվում նրանցից մեկին․ WSJ
Նաիր Թիկնիզյանը մոտիվացնող գրառում է արել Եվրոպայի լիգայի փլեյ-օֆֆ դուրս գալուց հետո
23.01.2026 | 18:25
Հայաստանի հավաքականի պաշտպան Նաիր Թիկնիզյանը սերբական «Ցրվենա Զվեզդայի» կազմում Եվրոպայի լիգայի փլեյ-օֆֆի ուղեգիր նվաճելուց հետո գրառում է կատարել սոցցանցերում։ Եվրոպայի լիգայի 7-րդ տուրում «Ցրվենա Զվեզդան» մրցակցի խաղադաշտում 1։0 հաշվով հաղթել է շվեդական «Մալմյոյին», իսկ Թիկնիզյանը մեկնարկային կազմում խաղացել է առանց փոխարինման։
«Առաջին նկարում կոտրված սրտով մի մարդ է, որը շատերի կողմից արդեն «թաղված» է որպես ֆուտբոլիստ։ Սակայն նա շարունակում է հավատալ քրտնաջան աշխատանքին, որը մի օր անպայման կտա իր արդյունքը:
Երկրորդ նկարում նույն մարդն է, որն իր կարիերայում առաջին անգամ նվաճել է Եվրոպայի լիգայի փլեյ-օֆֆի ուղեգիր: Այս երկու լուսանկարների միջև տարբերությունը 8 ամիս է: Երբեմն քո հանդեպ հավատի պակասից մինչև փլեյ-օֆֆ կես մրցաշրջան է և համառ աշխատանք: Եթե հիմա դու էլ նույն հոգեվիճակում ես, ինչ ես՝ 8 ամիս առաջ, մի հուսալքվիր և շարունակիր աշխատել: Ամեն ինչ կստացվի»,- գրել է Նաիր Թիկնիզյանը:
Հիշեցնենք, որ 26-ամյա ֆուտբոլիստը 2025թ․ ամռանն է Մոսկվայի «Լոկոմոտիվից» տեղափոխվել «Ցրվենա Զվեզդա», որը 1,7 միլիոն եվրո է վճարել տրանսֆերի համար (ըստ Transfermarkt-ի)։
