05.04.2026 | 11:06
ՀՀ տարածքում ավտոճանապարհները հիմնականում անցանելի են
Հայաստանի փոխարեն՝ Կիպրոսի քաղաքացի․ Սամվել Կարապետյանի մասին ճշգրտում է արվել պետական ռեգիստրում
23.01.2026 | 17:30
2025-ի դեկտեմբերի 3-ին Factor.am-ը «Գաղտնի գործարքը․ ինչ է արժեցել ՀԷՑ-ը Սամվել Կարապետյանին և ինչքան է այն գնահատվում հիմա» հրապարակման մեջ ներկայացրել էր պետական ռեգիստրում առկա տվյալները, ըստ որոնց՝ Սամվել Կարապետյանը «Հայաստանի էլեկտրական ցանցեր» ՓԲԸ-ի իրական շահառու դարձել է ոչ թե 2015-ին, երբ նա ձեռք է բերել ընկերությունը, այլ՝ 2009 թվականին։ Ավելի վաղ այս խնդրի կապակցությամբ գրավոր հարցմամբ պարզաբանում էինք խնդրել ընկերության տնօրենների խորհրդի նախագահ Նարեկ Կարապետյանից, սակայն պատասխան չէինք ստացել։
Այնուամենայնիվ, մեր հրապարակումից հետո պետական ռեգիստրում ՀԷՑ-ի վերաբերյալ տեղեկատվությունը թարմացվել է․ Սամվել Կարապետյանի ընկերության իրական շահառու դառնալու տարեթիվը 2009-ի փոխարեն դարձվել է 2015։ Ընդ որում՝ փոխվել է նաև Կարապետյանի քաղաքացիության մասին տվյալը՝ Հայաստանի փոխարեն ներկայում նշված Կիպրոս։ Ստացվում է՝ ՀԷՑ-ում Սամվել Կարապետյանը հանդես է գալիս որպես Կիպրոսի քաղաքացի։
Գայանե Խաչատրյան
