27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Իսպանիան ողջունում է ՀՀ-ի և Ադրբեջանի միջև ձեռք բերված առաջընթացը
Քաղաքականություն
23.01.2026 | 17:13
Իսպանիան ողջունում է Ադրբեջանի և Հայաստանի միջև հարաբերությունների կարգավորման գործում գրանցված առաջընթացը՝ հիմնված անցյալ տարի օգոստոսի 8-ին Վաշինգտոնում ստորագրված խաղաղության համաձայնագրի վրա։ Այս մասին հայտարարել է Իսպանիայի պատգամավորների կոնգրեսի նախագահ Ֆրանսինա Արմենգոլը Ադրբեջանի Միլլի Մեջլիսի խոսնակ Սահիբա Գաֆարովայի հետ համատեղ մամուլի ասուլիսում։
«Մենք հույս ունենք, որ համապատասխան պայմանների ստեղծումից հետո այս գործընթացը կհանգեցնի խաղաղության պայմանագրի ստորագրմանը, որը կավարտի տասնամյակներ շարունակվող Ղարաբաղյան հակամարտությունը և կբացի տարածաշրջանում համագործակցության և բարգավաճման նոր դարաշրջան։ Այս գործընթացը պետք է առաջնորդող սկզբունքները՝ միջազգային իրավունքը, ինքնիշխանությունը և տարածքային ամբողջականությունը, կիսում են երկու խորհրդարաններն էլ»,- նշել է Արմենգոլը։
Նա նաև ընդգծել է Իսպանիայի և Ադրբեջանի միջև երկկողմ հարաբերությունների խորացման փոխադարձ հանձնառության հստակ ձգտումը։
«Մենք քննարկեցինք համաձայնագրերի ընդլայնման կարևորությունը, ինչպիսիք են զբոսաշրջության և կրթության ոլորտներում ստորագրված փոխըմբռնման հուշագրերը: Այս փաստաթղթերը նպաստում են իսպաներեն լեզվի և մշակույթի ավելի մեծ ներկայացվածությանը ադրբեջանական կրթական համակարգում և կարող են ստեղծել բացառիկ գրավիչ հնարավորություններ ապագայի համար»,- ասել է պաշտոնյան։
Թարգմանությունը՝ Էմմա Չոբանյանի
