13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Ամեն ամիս շուրջ 2 հազար թոշակառու կկարողանա մասնակցել մշակութային միջոցառումների. Լիլիթ Մակունց. ՏԵՍԱՆՅՈՒԹ
Հասարակություն
09.11.2018 | 12:11
Ամեն ամիս հանրապետության տարածքում առնվազն 2 հազար թոշակառու կկարողանա այցելել թատրոն կամ համերգասրահ: Այսօր՝ նոյեմբերի 9-ին, այս մասին ասաց ՀՀ մշակույթի նախարարի պաշտոնակատար Լիլիթ Մակունցը՝ ներկայացնելով աշխատանքի և սոցիալական հարցերի նախարարության հետ համատեղ ձեռնարկած ծրագիրը:
«Մեկնարկ ենք տալիս մի կարևոր նախագծի, որով հատուկ ուշադրության ենք արժանացնում թոշակառուներին: Կարծում եմ՝ շատերն են նկատել, որ արտերկրում թոշակի անցած մարդիկ սկսում են հենց այդ տարիքից վայելել կյանքը՝ այցելել տարբեր մշակութային հաստատություններ, ճամփորդել, օգտվել արտոնյալ հնարավորություններից, որ նրանց ընձեռում է պետությունը: Տիկին Թանդիլյանի հետ քննարկումների արդյունքում եկանք եզրակացության, որ եղած միջոցներով մենք նույնպես պետք է մեր թոշակառուներին կարողանանք որոշ արտոնություններ և հնարավորություններ տալ»,- նշեց Լիլիթ Մակունցը:
Նախարարի պաշտոնակատարն արդեն հանդիպել է Մշակույթի նախարարության ենթակայության ներքո գործող մի շարք հաստատությունների տնօրինության հետ. «Արդյունքում բոլորս խանդավառված եկանք այն եզրակացության, որ պետության կողմից աջակցություն ստացող յուրաքանչյուր միջոցառման տոմսերից որոշակի հատված տրամադրելու ենք սոցիալական ապահովության նախարարությանը՝ բացառապես թոշակառուների համար»:
Մանրամասները՝ տեսանյութում
