09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
UFC-ի մարտիկ Դասթին Պորյեն պատմել է՝ ինչու է հրաժարվել մեկնել Հայաստան
23.01.2026 | 17:22
UFC-ի թեթև քաշային կարգի նախկին ժամանակավոր չեմպիոն Դասթին Պորյեն հայտնել է, որ ստացել է Արման Ծառուկյանի հետ Երևանում գրեփլինգի մենամարտ անցկացնելու առաջարկ, սակայն հրաժարվել է։ Դեկտեմբերի 30-ին Ծառուկյանը Երևանում կայացած Hype Fighting մրցաշարում մրցել էր UFC-ի մարտիկ Շառա Բուլետի (Շարաբուտդին Մագոմեդով) հետ։ Գրանցվել էր ոչ-ոքի։
«Ինձ առաջարկել էին մեկնել Հայաստան ու մենամարտել Արմանի հետ։ Կազմակերպիչներն ինձ հետ կապ էին հաստատել մրցաշարից 2-3 շաբաթ առաջ։ Պարզապես չէի ցանկանում մեկնել այդքան հեռու՝ Հայաստան։ Սակայն նման մենամարտ անցկացնելու գաղափարը հետաքրքրեց ինձ»,- Դասթին Պորյեի խոսքը մեջբերում է Sportskeeda-ն։
Ամերիկացի մարտիկն անդրադարձել է նաև UFC-ի թեթև քաշային կարգի չեմպիոն Իլյա Տոպուրիայի ու Արման Ծառուկյանի հնարավոր մենամարտին։
«Չեմ կարծում, որ Ծառուկյանը կարող է հաղթել Տոպուրիային», նշել է Պորյեն։
29-ամյա Արման Ծառուկյանը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
