10.09.2026 | 18:28
ՊՊԾ-ն հողերի օտարման գործընթացներում խախտումներ և չարաշահումներ է արձանագրել․ որքան վնաս է տրվել պետությանը
Ստորագրվել է «Զվարթնոց» միջազգային օդանավակայանի կոնցեսիոն պայմանագրի հինգերորդ լրացումը
Հասարակություն
23.01.2026 | 14:00
Փոխվարչապետ Մհեր Գրիգորյանն ընդունել է «Կորպորասիոն Ամերիկա Ս․ Ա․» ընկերության գործադիր տնօրեն Մարտին Էռնեկյանին: Այս մասին տեղեկացնում են ՀՀ կառավարությունից։
Հաղորդվում է, որ զրուցակիցները, մասնավորապես, երկուստեք ընդգծել են օդանավակայանի կոնցեսիոն պայմանագրի հինգերորդ լրացման շուրջ կառուցողական մթնոլորտում ընթացած բանակցությունների նշանակությունը հետագա համագործակցության տեսանկյունից: Անդրադարձ է կատարվել նաև Հանրապետության հրապարակում գտնվող ՀՀ արտաքին գործերի նախարարության նախկին շենքի հետ կապված ծրագրերին:
«Փոխվարչապետը կարևորել է «Կորպորասիոն Ամերիկա Ս․ Ա․» ընկերության ներդրումային ծրագրերի իրականացումը Հայաստանում առանցքային կարևորություն ունեցող ոլորտներում: Հանդիպման ավարտին կողմերը ստորագրել են Կառավարության 2026 թվականի հունվարի 22-ի թիվ 93-Ա որոշմամբ հավանության արժանացած կոնցեսիոն պայմանագրի հինգերորդ լրացումը»,- ասված է հաղորդագրության մեջ:
«Զվարթնոց» միջազգային օդանավակայնը անդրադարձել է օդանավակայանի կոնցեսիոն պայմանագրի հինգերորդ լրացման ստորագրմանը։
«Մեծ նվիրումով ստանձնում ենք պատասխանատվություն՝ շարունակելու ներդրումներ կատարել Հայաստանում՝ ի նպաստ հայկական ավիացիայի կայուն զարգացման և տնտեսական բարգավաճման»,- հայտնում են օդանավակայանից:
