10.09.2026 | 19:28
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
«Ռեալ Սոսյեդադն» այլևս հույսեր չի կապում Արսեն Զախարյանի հետ
23.01.2026 | 12:39
Ռուսաստանի հավաքականի կիսապաշտպան Արսեն Զախարյանը ձմեռային տրանսֆերային պատուհանի ընթացքում, մեծ հավանականությամբ, կհեռանա իսպանական «Ռեալ Սոսյեդադից», հաղորդում է COPE-ն։
22-ամյա Զախարյանն ու մի քանի այլ ֆուտբոլիստներ չեն մտնում «Ռեալ Սոսյեդադի» նորանշանակ գլխավոր մարզիչ Պելեգրինո Մատարացոյի ծրագրերի մեջ։ 48-ամյա իտալացի մասնագետը հայ ֆուտբոլիստին հայտնել է, որ հույսեր չի կապում նրա հետ։
Արսեն Զախարյանը 2023 թվականի ամռանը Մոսկվայի «Դինամոյից» է տեղափոխվել բասկյան ակումբ, որը 13 միլիոն եվրո է վճարել տրանսֆերի համար։ Այս մրցաշրջանում կիսապաշտպանը մասնակցել է 16 խաղի ու խփել 1 գոլ։ Նրա պայմանագրի ժամկետն ուժի մեջ է մինչև 2029թ․ ամառ։
