09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
«Ձեզ ասել են՝ քաղաքականությունից դուրս եկեք, ձեր փոխարեն ռուսական օլիգարխի կուսակցությունն է գալիս»․ Վահագն Ալեքսանյան․ ՏԵՍԱՆՅՈՒԹ
Քաղաքականություն
23.01.2026 | 12:06
«Սիրելի «Հայաստան» դաշինք, հարգելի գործընկերներ, ես ճի՞շտ եմ հասկանում, որ դուք քաղաքականությունից դուրս եք եկել, ձեզ ասել են, որ դուրս գաք։ Ինչի՞ եմ այս հարցը տալիս, որովհետև իմ մոտ այդպիսի տպավորություն է, առնվազն, որ դուք քաղաքականությունից դուրս եք եկել, ձեզ հրահանգել են, հիմա քաղաքականությամբ զբաղվում է ռուս օլիգարխի կուսակցությունը, ըստ երևույթին, գնահատելով ձեր անցողիկ շեմը հաղթահարելու շատ ցածր շանսերը»,-այս մասին ԱԺ արտահերթ նիստի ընթացքում ասաց «Քաղաքացիական խմբակցության» պատգամավոր Վահագն Ալեքսանյանը։
Ընդդիմադիր ուժի պատգամավորները փորձեցին տեղից արձագանքել, ինչին ի պատասխան Ալեքսանյանը նշեց․ «Կգնաք Ռոբերտ Քոչարյանին կասեք՝ ինչի մասին ինքը խոսա»։
Նրա խոսքով՝ եթե դուրս են եկել քաղաքականությունից, թող ասեն այս մասին, որովհետև «ակնհայտ է՝ անցողիկ շեմը հաղթահարելու նրանց շանսերը շատ ցածր են»։
«Ամբողջ տրամաբանությունը հուշում է, որ ձեզ ասել են՝ դուք քաղաքականությունից դուրս եկեք, մի խոսեք, մի երևացեք, դուք ընդդիմադիր դաշտի ռեյտինգն եք իջեցնում, ձեր փոխարեն հիմա ձեր մյուս թևը պետք է զբաղվի քաղաքականությամբ՝ ռուսական օլիգարխի կուսակցությունը»,-նշեց նա։
Մանրամասները՝ տեսանյութում։
