10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Մակրոնը հայտնել է Ֆրանսիայի ՌԾՈՒ-ի կողմից պատժամիջոցների ներքո գտնվող ռուսական լցանավի կալանման մասին
Քաղաքականություն
22.01.2026 | 21:39
Հունվարի 22-ի առավոտյան Ֆրանսիայի ռազմածովային ուժերը Միջերկրական ծովում կալանել են Ռուսաստանից մեկնող լցանավ։ Այս մասին սոցիալական ցանցերում հայտարարել է Ֆրանսիայի նախագահ Էմանուել Մակրոնը, գրում է Meduza-ն։
Ըստ նրա՝ լցանավը Ռուսաստանի, այսպես կոչված, «ստվերային նավատորմիվ մաս է կազմում։ Այն կալանվել է չեզոք ջրերում։
«Այսօր առավոտյան Ֆրանսիայի ռազմածովային ուժերը կալանել են ռուսական լցանավ, որը ենթարկվել է միջազգային պատժամիջոցների և կասկածվում է կեղծ դրոշ օգտագործելու մեջ։ Գործողությունն իրականացվել է բաց ծովում՝ Միջերկրական ծովում՝ մեր մի քանի դաշնակիցների օգնությամբ»,- նշել է Մակրոնը։
Նա հավելել է, որ գործողությունն իրականացվել է Ծովային իրավունքի մասին ՄԱԿ-ի կոնվենցիային համապատասխան։
Մակրոնը չի նշել ձերբակալված լցանավի անունը կամ այն, թե ինչ դրոշի ներքո է այն նավարկել։
Ֆրանսիան չի հանդուրժի խախտումներ, նշել է Մակրոնը՝ հավելելով, որ հետաքննություն է սկսվել։
«Մենք վճռական ենք՝ պահպանել միջազգային իրավունքը և ապահովել պատժամիջոցների արդյունավետ կիրառումը։ «Ստվերային նավատորմի» գործունեությունը նպաստում է Ուկրաինայի դեմ ագրեսիվ պատերազմի ֆինանսավորմանը»,- հավելել է Ֆրանսիայի նախագահը։
Թարգմանությունը՝ Էմմա Չոբանյանի
