02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
Զելենսկին հայտարարել է, որ Ուկրաինայի պատերազմի ավարտի փաստաթղթերը «գրեթե պատրաստ են»
Քաղաքականություն
22.01.2026 | 20:19
Ուկրաինայի նախագահ Վլադիմիր Զելենսկին Դավոսում հայտարարել է, որ Եվրոպային անհրաժեշտ են միասնական զինված ուժեր։ France 24-ի հաղորդմամբ՝ նա նաև աշխարհի առաջնորդներին հարցրել է, թե ի՞նչ ուղերձ է պարունակում Գրենլանդիա 40 զինվոր ուղարկելը՝ հավելելով, որ այդ զորքերը «ոչինչ չեն պաշտպանի»։
Զելենսկին նաև զգուշացրել է՝ ժողովրդավարության համար պայքարոներին չօգնելը կհանգեցնի անխուսափելի հետևանքների։ Ուկրաինային անհրաժեշտ են նաև ԱՄՆ-ի անվտանգության երաշխիքները՝ Ռուսաստանի կրկնակի ներխուժումը կանխելու համար, ոչ միայն Ֆրանսիայից և Մեծ Բրիտանիայից, հավելել է նա։
«Մեծ Բրիտանիան և Ֆրանսիան պատրաստ են իրականում իրենց ուժերը տեղակայել տեղում։ Սակայն նախագահ Թրամփի աջակցությունն անհրաժեշտ է։ Եվ կրկին, առանց ԱՄՆ-ի՝ անվտանգության երաշխիքներ չեն գործում»,- ասել է նա Դավոսում Համաշխարհային տնտեսական ֆորումում ունեցած ելույթում։
Զելենսկին հայտարարել է, որ գրեթե չորս տարի տևած ռուսական պատերազմին վերջ դնելու համար Վաշինգտոնի հետ համատեղ մշակվող փաստաթղթերը «գրեթե պատրաստ են»։
«Մենք հանդիպեցինք նախագահ Թրամփի հետ, և մեր թիմերը գրեթե ամեն օր աշխատում են։ Դա հեշտ չէ։ Այս պատերազմը դադարեցնելուն ուղղված փաստաթղթերը գրեթե, գրեթե պատրաստ են»,- ասել է Զելենսկին։
Նա նաև խոստովանել է՝ Թրամփի հետ իր «երկխոսությունը» «հեշտ չէր», բայց ողջունել է օրվա սկզբին կայացած «դրական» հանդիպումը։
Թարգմանությունը՝ Էմմա Չոբանյանի
