29.10.2026 | 23:25
Ջրագիծ է վնասվել. Գյումրիում ջրանջատում է
Նպաստները կվճարվեն բացառապես անկանխիկ եղանակով․ նոր փոփոխություններ՝ ապրիլի 1-ից
Քաղաքականություն
22.01.2026 | 18:34
Անապահովության, ընտանեկան, սոցիալական նպաստները և հրատապ օգնությունը ապրիլի 1-ից կվճարվեն բացառապես անկանխիկ եղանակով։ Կառավարության համապատասխան որոշման մեջ համապատասխան փոփոխությունը կատարելու վերաբերյալ նախագիծը ներկայացրել է աշխատանքի և սոցիալական հարցերի նախարարությունը։
«Օգնությունները կարող էին վճարվել կանխիկ եղանակով ընտանիքի չափահաս անդամին (ընտանիքի միակ չափահաս անդամին կամ ընտանիքի մյուս բոլոր չափահաս անդամների գրավոր համաձայնությամբ գումարը ստացող՝ ընտանիքի չափահաս անդամին), որը ֆունկցիոնալության խորը կամ ծանր աստիճանի սահմանափակումով հաշմանդամություն ունեցող անձ է, կամ լրացել է նրա 75 տարին»,-նշվում է հիմնավորման մեջ։
Եթե անձի չի կարող անկանխիկ եղանակով ստանալ նպաստը (ֆունկցիոնալությունը գնահատող հանձնաժողովից ստացված` հաշմանդամություն ունեցող անձ ճանաչված լինելու վերաբերյալ տեղեկանքի հիման վրա), ապա պետք է մինչև ապրիլի 1-ը դիմում ներկայացնի։
Եվգենյա Համբարձումյան
