18.08.2026 | 21:12
Ապօրինի ձեռնարկատիրության դեպք է բացահայտել․ առգրավվել է մեծ քանակի կեղծ խմիչք. ՆԳՆ
Ալիևը Դավոսում Թրամփի հետ քննարկել է TRIPP նախագիծը, Հայաստանի հետ հարաբերությունների կարգավորումը
Քաղաքականություն
22.01.2026 | 17:20
Դավոսում տեղի է ունեցել Ադրբեջանի նախագահ Իլհամ Ալիևի և ԱՄՆ նախագահ Դոնալդ Թրամփի հանդիպումը։ Ադրբեջանական կողմի հաղորդագրության համաձայն՝ կողմերը գոհունակություն են հայտնել Սպիտակ տուն Դոնալդ Թրամփի վերադառնալուց հետո Բաքվի և Վաշինգտոնի միջև տարբեր ոլորտներում կապերի զարգացման կապակցությամբ։
Ընդգծվել է «Թրամփի պատմական դերը անցյալ տարվա օգոստոսի 8-ին Վաշինգտոնում Ադրբեջանի և Հայաստանի միջև խաղաղության օրակարգի առաջխաղացման համաձայնագրերի ձեռքբերման գործում»։
Ալիևն անդրադարձել է Ադրբեջանի և Հայաստանի հարաբերությունների կարգավորման ուղղությամբ ձեռնարկված քայլերին: Նշելով, որ տարածաշրջանում արդեն իսկ խաղաղություն է հաստատվել, Ադրբեջանը ղեկավարը նշել է, որ դա արտացոլվում է նաև երկու երկրների միջև առևտրային հարաբերությունների զարգացման մեջ: Այս առումով նա հատկապես ընդգծել է Ադրբեջանից Հայաստան նավթամթերքի արտահանումը, ինչպես նաև ներմուծված հացահատիկի մատակարարումը Հայաստան՝ Ադրբեջանի տարածքով:
Ալիևը նշել է, այսպես կոչված, «Զանգեզուրի միջանցքի», այդ թվում՝ TRIPP նախագծի կարևոր դերը տարածաշրջանային տրանսպորտային կապերի առումով:
Զրույցի ընթացքում անդրադարձ է կատարվել Թրամփի նախագահությամբ ստեղծված Խաղաղության խորհրդի նշանակությանը՝ ընդգծելով այս կառույցի կարևորությունը Մերձավոր Արևելքում խաղաղության ամրապնդման և համաշխարհային հակամարտությունների լուծման գործում:
Ադրբեջանի կողմից Խաղաղության խորհրդին որպես հիմնադիր անդամ միանալու հրավերը դիտվել է որպես «Ադրբեջանի և ԱՄՆ-ի միջև ռազմավարական գործընկերության և համաշխարհային խաղաղության խթանման գործում Ադրբեջանի դերի արտացոլումվ:
Թարգմանությունը՝ Էմմա Չոբանյանի
