10.09.2026 | 19:43
Արմաշի նախկին զորանոցի տարածքը հետ են վերցնում Ջրային կոմիտեից․ «Արարատ» ՋՕԸ-ն այն չի օգտագործել
Թրամփը հայտարարում է, որ Խաղաղության խորհուրդը կաշխատի «ՄԱԿ-ի հետ համատեղ»
Քաղաքականություն
22.01.2026 | 15:23
ԱՄՆ նախագահ Դոնալդ Թրամփը հայտարարել է, որ Խաղաղության խորհուրդը «հնարավորություն ունի լինելու պատմության մեջ ամենաազդեցիկ խորհուրդը», և որ այն կաշխատի Միավորված ազգերի կազմակերպության (ՄԱԿ) հետ «համատեղ»։ Թրամփը նշել է, որ Խաղաղության խորհրդի ձևավորումից հետո «մենք կարող ենք անել գրեթե այն, ինչ ուզում ենք»՝ հավելելով, որ ինքը նույնպես կաշխատի ՄԱԿ-ի հետ համատեղ։
Չնայած միջազգային կազմակերպության հասցեին բազմիցս հնչեցրած քննադատությանը՝ Թրամփն ասել է, որ ՄԱԿ-ում «հսկայական ներուժ» կա։ Նա նաև հավելել է, որ Խաղաղության խորհրդի և ՄԱԿ-ի ջանքերի համադրումն «աշխարհի համար շատ, շատ յուրահատուկ բան է» և «Մերձավոր Արևելքի համար ավելի պայծառ օրվա առաջին քայլը»։
Թրամփի պնդմամբ՝ կառուցն ունի «երբևէ ստեղծված ամենաազդեցիկ մարմիններից մեկը» դառնալու ներուժ, հավելելով, որ իր համար «պատիվ» է այն նախագահելը։
«Այն հիանալի է գործում։ Գրեթե յուրաքանչյուր երկիր ցանկանում է լինել դրա մի մասը»,- ասել է նա։
Գովաբանելով իր գործողությունները միջազգային ասպարեզում՝ Թրամփը հիշատակել է անցյալ ամռանը Իրանի միջուկային օբյեկտներին ուղղված հարվածները, որոնք, նրա խոսքով, «ոչնչացրել» են երկրի միջուկային հզորությունը։
«Իրանը ցանկանում է խոսել և կխոսի»,- հավելել է Թրամփը։
Թարգմանությունը՝ Էմմա Չոբանյանի
