18.08.2026 | 20:13
Գալյանն ու ԱՄՆ գործերի ժամանակավոր հավատարմատարը քննարկել են բարեփոխումների օրակարգը
Բայրամովը ՆԱՏՕ-ի գլխավոր քարտուղարի տեղակալի հետ ՀՀ-Ադրբեջան հարաբերությունների կարգավորման գործընթացն է քննարկել
Քաղաքականություն
22.01.2026 | 15:10
Ադրբեջանի արտգործնախարար Ջեյհուն Բայրամովն ընդունել է ՆԱՏՕ-ի գլխավոր քարտուղարի տեղակալ Ռադմիլա Շեկերինսկային։ Ադրբեջանի ԱԳՆ-ի հաղորդմամբ՝ հանդիպման ընթացքում քննարկվել են Ադրբեջանի և ՆԱՏՕ-ի միջև գործընկերության շրջանակում առկա և ապագա համագործակցության օրակարգը, գործընկերության մեխանիզմների շրջանակում աշխատանքը, ինչպես նաև տարածաշրջանային և միջազգային անվտանգության հարցեր։
Կողմերը նշել են Ադրբեջանի և ՆԱՏՕ-ի միջև համագործակցության կարևորությունը՝ ընդգծելով, որ գոյություն ունեցող գործընկերության շրջանակում երկխոսությունն ու փոխադարձ գործունեությունը դրական ներդրում են ունենում տարածաշրջանային անվտանգության մեջ: Քննարկվել են Ադրբեջանի և ՆԱՏՕ-ի միջև համագործակցության հնարավորություններն ականազերծման, կիբերանվտանգության և այլ ոլորտներում։
Բարձր է գնահատվել Ադրբեջանի մասնակցությունը ՆԱՏՕ-ի խաղաղապահ գործողություններին և առաքելություններին, Աֆղանստանում գործընթացներին սերտ աջակցությունը, պաշտպանական բարեփոխումները և դիմադրողականության ապահովման ջանքերը: Գոհունակությամբ նշվել է ՆԱՏՕ-ի անդամ պետությունների մշտական ներկայացուցիչների անցյալ տարվա նոյեմբերին Ադրբեջան կատարած այցը։
Հանդիպմանը քննարկվել են նաև Ադրբեջանի և Հայաստանի միջև հարաբերությունների կարգավորման գործընթացը, տարածաշրջանում կայուն և երկարաժամկետ խաղաղություն ապահովելուն ուղղված դիվանագիտական ջանքերը և վստահության ամրապնդման միջոցառումները, օգոստոսի 8-ին Վաշինգտոնում կայացած գագաթնաժողովի շրջանակում ձեռք բերված համաձայնությունները և խաղաղության հեռանկարները։
Տեղեկատվություն է տրամադրվել նաև տարածաշրջանային տրանսպորտային և հաղորդակցության նախագծերի վերաբերյալ։
Նշվում է, որ կողմերը նաև մտքեր են փոխանակել փոխադարձ հետաքրքրություն ներկայացնող այլ երկկողմ և տարածաշրջանային հարցերի շուրջ։
Թարգմանությունը՝ Էմմա Չոբանյանի
