09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
SOCAR-ը Կոտ դ’Իվուարում նավթագազային հանքավայրի նախագծում 10% բաժնեմասի ձեռքբերման պայմանագիր է կնքել
Քաղաքականություն
22.01.2026 | 22:33
Ադրբեջանական SOCAR-ը պայմանագիր է կնքել Eni SpA-ի հետ՝ Կոտ դ’Իվուարում գտնվող Baleine նավթագազային հանքավայրի մշակման նախագծում 10% բաժնեմաս ձեռք բերելու համար։ Հաղորդվում է, որ փաստաթուղթը ստորագրել են SOCAR-ի նախագահ Ռովշան Նաջաֆը և Eni SpA-ի գլխավոր գործադիր տնօրեն Կլաուդիո Դեկալզին Համաշխարհային տնտեսական ֆորումի 2026 թվականի տարեկան հանդիպման շրջանակներում։
Այս համաձայնագիրը լիովին համապատասխանում է ընկերության գլոբալ ընդլայնման ռազմավարությանը, որը SOCAR-ին հնարավորություն է տալիս օգտվել Աֆրիկյան մայրցամաքի նավթի և գազի առատ պաշարներից։ Փաստաթուղթը նաև SOCAR-ի և Eni S.p.A.-ի միջև էներգետիկայի տարբեր ոլորտներում ավելի լայն ռազմավարական համագործակցության մաս է կազմում։
Համաձայնագրի իրականացումը և գործարքի ավարտը կախված են համապատասխան կարգավորող մարմինների հաստատումներից, ինչպես նաև այլ ստանդարտ պայմանների և պահանջների կատարումից։
«Baleine»-ին համարվում է Արևմտյան Աֆրիկայում վերջին տարիներին հայտնաբերված խոշորագույն նավթագազային հանքավայրերից մեկը։ Այն հայտնաբերվել է 2021 թվականին, իսկ արդյունահանումը սկսվել է 2023 թվականին։
Ներկայումս հանքավայրի 1-ին և 2-րդ փուլերը օրական արտադրում են ավելի քան 62,000 բարել նավթ և ավելի քան 2,1 միլիոն խորանարդ մետր գազ։ 3-րդ փուլի մեկնարկով օրական արտադրությունը, կանխատեսումների համաձայն, կհասնի 150,000 բարել նավթի և մոտավորապես 5,7 միլիոն խորանարդ մետր գազի։
Թարգմանությունը՝ Էմմա Չոբանյանի
