02.07.2026 | 15:22
Ձեր մեղավորությամբ ՀՀ-ն վերածվել է քաղկալանավայրի՝ բաց երկնքի տակ․ Մանուկյանը դիմեց ֆոն դեր Լայենին․ ՏԵՍԱՆՅՈՒԹ
ԱՄՆ իշխանությունները Ադրբեջան առաջին երկկողմ գործարար առաքելության այցն են կազմակերպում
Քաղաքականություն
22.01.2026 | 16:19
ԱՄՆ Առևտրի պալատը, Պետքարտուղարության և Առևտրի դեպարտամենտի հետ համագործակցությամբ, Ադրբեջան առաջին երկկողմ գործարար առաքելությունն է կազմակերպում։ Բաքու այցը նախատեսվում է փետրվարի 9-10-ը։
Ադրբեջանական լրատվամիջոցները հայտնում են, որ երկօրյա այցի ընթացքում բարձր մակարդակի պատվիրակությունն ամերիկյան ընկերություններին հնարավորություն կտա անմիջական կապեր հաստատել Ադրբեջանի պետական մարմինների, պետական ընկերությունների և առաջատար մասնավոր հատվածի ներկայացուցիչների հետ։ Ուշադրության կենտրոնում կլինեն էներգետիկայի և թվային վերափոխման, պաշտպանության և տրանսպորտի, գյուղատնտեսության և առողջապահության, ֆինանսների և ներդրումների ոլորտները։
Առաքելության ծրագրով նախատեսված են հանդիպումներ նախագահի աշխատակազմի և նախարարների կաբինետի, համապատասխան նախարարությունների, Ադրբեջանի պետական նավթային ընկերության (SOCAR) և Ադրբեջանի պետական նավթային հիմնադրամի, Արտահանման և ներդրումների խթանման գործակալության (AZPROMO), PASHA Holding-ի, Ադրբեջանում Ամերիկյան առևտրի պալատի (AmCham), ինչպես նաև այլ պետական և մասնավոր կազմակերպությունների ներկայացուցիչների հետ։
Թարգմանությունը՝ Էմմա Չոբանյանի
