28.07.2026 | 19:37
Բաքուն հայտնում է Արցախում ականապատ տարածքներում հրդեհների մասին
Կրասնոդարի նավահանգստային տերմինալների վրա հարձակման հետևանքով 3 զոհ կա
Քաղաքականություն
22.01.2026 | 12:36
Հունվարի 21-ի երեկոյան Ուկրաինայի զինված ուժերը հարձակվել են Կրասնոդարի երկրամասի Տեմրյուկի շրջանի Վոլնա բնակավայրի նավահանգստային տերմինալների վրա: Տարածաշրջանային օպերատիվ շտաբի տվյալներով՝ 3 մարդ զոհվել է, 8-ը՝ վիրավորվել: Կրասնոդարի երկրամասի նահանգապետ Վենիամին Կոնդրատևի խոսքով՝ հրդեհվել են չորս նավթի պահեստարաններ, գրում է The Insider-ը։
Ռուսաստանի Պաշտպանության նախարարության առավոտյան հաղորդագրության համաձայն՝ հունվարի լույս 22-ի գիշերը ՀՕՊ համակարգերը որսացել և ոչնչացրել են 14 ուկրաինական անօդաչու թռչող սարք, այդ թվում՝ մեկը՝ Կրասնոդարի երկրամասի վրա։
Supernova+ տելեգրամ ալիքը պնդում է, որ Վոլնա բնակավարում հարձակման են ենթարկվել «Թամաննեֆտեգազի» տերմինալները։ Նշվում է, որ հարվածը տեղի է ունեցել նավթամթերքը լցանավերից մեկի վրա բեռնելու ժամանակ։
Դեկտեմբերի 31-ի գիշերը Կրասնոդարի մարզի «Թամաննեֆտեգազի» նավահանգստային տերմինալը հարձակման էր ենթարկվել։
Դեկտեմբերի 22-ին էլ Վոլնա բնակավայրում անօդաչու թռչող սարքի հարձակման հետևանքով վնասվել էր Թամանի ծովային նավահանգստի տերմինալներից մեկի խողովակաշարը։
Թարգմանությունը՝ Էմմա Չոբանյանի
