14.02.2026 | 20:05
«Տոտենհեմը» նոր գլխավոր մարզիչ ունի
Նեմանիա Վիդիչի եղբորը մահացած են գտել
21.01.2026 | 16:06
Անգլիական «Մանչեսթեր Յունայթեդի» և Սերբիայի հավաքականի նախկին պաշտպան Նեմանիա Վիդիչի ավագ եղբայր Դուշան Վիդիչին մահացած են գտել Բելգրադում, հաղորդում է Sportworldnews.org-ը։
Դժբախտ պատահարի մանրամասները չեն հրապարակվում։ Նախկին ֆուտբոլիստն առայժմ չի արձագանքել եղբոր մահվանը։
Սերբական մամուլի համաձայն՝ հենց Դուշանն է 7-ամյա Նեմանիա Վիդիչին ֆուտբոլի տարել սերբական «Եդինսվո Ուժիցե» ակումբում։ Դուշան Վիդիչը ևս զբաղվել է ֆուտբոլով, սակայն մեծ հաջողություններ չի գրանցել։
Նեմանիա Վիդիչը կարիերայի ընթացքում խաղացել է նաև սերբական «Ցրվենա Զվեզդայում», Մոսկվայի «Սպարտակում» ու իտալական «Ինտերում»։ Անվանի պաշտպանը կարիերան ավարտել է 2016-ին։
