07.09.2026 | 21:58
Երրորդ դեպքը 5 ամսում․ ի՞նչ է կատարվում Բյուրեղավանի խմելու ջրի հետ. ՏԵՍԱՆՅՈՒԹ
«Ինտերը», «Փյունիկը» և ՀՖՖ-ն շնորհավորել են Հենրիխ Մխիթարյանին․ ԼՈՒՍԱՆԿԱՐ
21.01.2026 | 14:32
Հայաստանի ազգային հավաքականի նախկին ավագ, իտալական «Ինտերի» կիսապաշտպան Հենրիխ Մխիթարյանը հունվարի 21-ին նշում է ծննդյան 37-րդ տարեդարձը:
«Ինտերը», Հայաստանի ֆուտբոլի ֆեդերացիան և Մխիթարյանի առաջին ակումբ «Փյունիկը» սոցցանցերում շնորհավորել են օրվա հոբելյարին։
Հենրիխ Մխիթարյանը Հայաստանի հավաքականի պատմության լավագույն ռմբարկուն է։ 2007-2021 թթ. կիսապաշտպանն ազգային թիմի կազմում մասնակցել է 95 հանդիպման ու դարձել 32 գոլի հեղինակ։
Մխիթարյանը 2022 թվականից է խաղում «Ինտերում», որի կազմում դարձել է Իտալիայի չեմպիոն, գավաթակիր, սուպերգավաթակիր ու երկու անգամ խաղացել է Չեմպիոնների լիգայի եզրափակիչում։ Կարիերայի ընթացքում նա հանդես է եկել նաև Երևանի «Փյունիկում» (2006-2009 թթ.), Դոնեցկի «Մետալուրգում» (2009-2010 թթ.) ու «Շախտյորում» (2010-2013 թթ.), Դորտմունդի «Բորուսիայում» (2013-2016 թթ.), անգլիական «Մանչեսթեր Յունայթեդում» (2016-2018 թթ.) ու «Արսենալում» (2018-2019 թթ.), իտալական «Ռոմայում» (2019-2022 թթ.)։
Մխիթարյանը դարձել է Եվրոպա լիգայի ու Կոնֆերենցիաների լիգայի հաղթող։ Նա նաև ռեկորդային 12 անգամ ճանաչվել է Հայաստանի տարվա լավագույն ֆուտբոլիստ։
