01.10.2026 | 10:25
Flydubai ավիաընկերությունը դադարեցրել է դեպի Իսրայել չվերթները՝ ինքնաթիռում միջադեպից հետո
Շախմատի Հայաստանի առաջնությունում եռիշխանություն է վերջին տուրից առաջ
21.01.2026 | 10:47
Տիգրան Պետրոսյանի անվան շախմատի տանն ավարտին են մոտենում շախմատի Հայաստանի տղամարդկանց 86-րդ և կանանց 81-րդ առաջնությունները։ Կայացել են նախավերջին տուրի պարտիաները։
Տղամարդկանց առաջնությունում հաղթանակ են տարել Տիգրան Հարությունյանը և Արսեն Դավթյանը:
Արթուր Դավթյան – Կարեն Գրիգորյան, Արամ Հակոբյան – Զավեն Անդրիասյան և Մանուէլ Պետրոսյան – Մամիկոն Ղարիբյան մրցախաղերն ավարտվել են ոչ-ոքի արդյունքով:
Վերջին խաղափուլից առաջ առաջատարներն են Զավեն Անդրիասյանը, Արթուր Դավթյանը և Մանուէլ Պետրոսյանը, որոնք ունեն 5-ական միավոր: Արամ Հակոբյանը վաստակել է 4.5 միավոր:
Կանանց առաջնությունում նախավերջին տուրում հաղթել են Սոնա Կրկյաշարյանը, Անի Ավետիսյանը և Անգելինա Միրաքյանը։
Աննա Խաչատրյան – Մարիամ Ավետիսյան և Անահիտ Մկրտչյան – Լիլիթ Կասինյան պարտիաներում գրանցվել է ոչ-ոքի:
Մրցաշարային աղյուսակը գլխավորում են Անահիտ Մկրտչյանը և Աստղիկ Հակոբյանը, որոնք վաստակել են 6-ական միավոր։ Անի Ավետիսյանը ունի 5.5 միավոր։
Վերջին խաղափուլը կկայանա հունվարի 21-ին։
