13.05.2026 | 20:37
Քրեական ոստիկանները զանգերի անօրինական տերմինացիայի միջոցով ստվերային եկամուտներ ստացող խումբ են բացահայտել
Չեմպիոնների լիգա․ «Ռեալի» 6 գոլերը, «Ինտերի», ՊՍԺ-ի ու «Մանչեսթեր Սիթիի» պարտությունները․ ՏԵՍԱՆՅՈՒԹ
21.01.2026 | 10:10
Չեմպիոնների լիգան վերադարձել է ձմեռային ընդմիջումից հետո և կայացել են նախավերջին տուրի առաջին օրվա հանդիպումները։
Իտալական «Ինտերը» սեփական խաղադաշտում 1:3 հաշվով պարտվել է Լոնդոնի «Արսենալին», որի կազմում դուբլի հեղինակ է դարձել բրազիլացի հարձակվող Գաբրիել Ժեզուսը, մեկ գոլ էլ խփել է շվեդ գոլահար Վիկտոր Դյոկերեշը։ Դաշտի տերերից աչքի է ընկել խորվաթ կիսապաշտպան Պետար Սուչիչը (տեսանյութ)։
Հայաստանի հավաքականի նախկին կիսապաշտպան Հենրիխ Մխիթարյանն «Ինտերի» պահեստայինների թվում է եղել, բայց խաղադաշտ դուրս չի եկել։
Մադրիդի «Ռեալը» սեփական խաղադաշտում 6:1 հաշվով վստահ հաղթանակ է տարել «Մոնակոյի» նկատմամբ (տեսանյութ)։ Դա «Արքայական ակումբի» առաջին հաղթանակն էր նորանշանակ գլխավոր մարզիչ Ալվարո Արբելոայի գլխավորությամբ։
«Ռեալի» կազմում դուբլի հեղինակ է դարձել ֆրանսիացի հարձակվող Կիլիան Մբապեն, մեկական գոլ են խփել բրազիլացի Վինիսիուս Ժունիորը, անգլիացի Ջուդ Բելինգեմն ու արգենտինացի Ֆրանկո Մաստանտուոնոն, մեկ անգամ էլ մրցակիցը գրավել է սեփական դարպասը։
Չեմպիոնների լիգայի գործող հաղթող ՊՍԺ-ն Պորտուգալիայում 1:2 հաշվով պարտվել է Լիսաբոնի «Սպորտինգին» (տեսանյութ), իսկ անգլիական «Մանչեսթեր Սիթին» հյուրընկալվելիս 1։3 հաշվով անակնկալ պարտություն է կրել նորվեգական «Բուդյո-Գլիմտից» (տեսանյութ)։
