09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում. ՏԵՍԱՆՅՈՒԹ
Հայաստանը խնդրել է Ադրբեջանի տարածքով բեռների տարանցումը Ռուսաստան. Ալիև
Քաղաքականություն
20.01.2026 | 22:10
Հայաստանը խնդրել է Ադրբեջանի տարածքով բեռների տարանցումը Ռուսաստան։ Ադրբեջանական ԶԼՄ-ների փոխանցմամբ՝ այդ մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Համաշխարհային տնտեսական ֆորումի ամենամյա նիստի շրջանակներում պանելային քննարկմանը:
«Ես շատ ուրախ եմ, որ անկախության տարիներին մեզ հաջողվել է շատ սերտ աշխատանքային հարաբերություններ կառուցել մեր բոլոր հարևանների հետ, բացառությամբ, իհարկե, Հայաստանի, այն պատճառներով, որոնք բոլորին հայտնի են։ Դե ֆակտո խաղաղություն հաստատելուց հետո մենք նաև սկսեցինք տնտեսական համագործակցություն և արտահանման գործողություններ»,- ասել է նա։
Երկրի ղեկավարը հիշեցրել է, որ Ադրբեջանը վերացրել է Ղազախստանից և Ռուսաստանից Հայաստան բեռների տարանցման բոլոր սահմանափակումները:
«Եվ հիմա մենք հայկական կողմից հարցում ենք ստացել Հայաստանից Ռուսաստան տարանցման ապահովման վերաբերյալ: Այսպիսով, մենք դե ֆակտո միակողմանի բացել ենք միջանցքները։ Այո, հիմա փոխադրումներն իրականացվում են Վրաստանով, բայց մի օր դրանք կանցնեն Հայաստանով։ Եվ մի օր Հայաստանն ուղիղ մատակարարումներ կիրականացնի Ադրբեջանից, և այդ օրն այնքան էլ հեռու չէ»,- ասել է նա։
Նախօրեին տեղեկացրել էինք, որ ռուսական հեղուկ գազը շուտով Ադրբեջանի տարածքով՝ երկաթուղու միջոցով կներմուծվի Հայաստան։
