28.07.2026 | 18:49
ԵՄ-ն կանչել է ՌԴ գործերի ժամանակավոր հավատարմատարին՝ ԱԹՍ-ներով Ռումինիայի օդային տարածքը խախտելու միջադեպի պատճառով
ՀՀ ԱԳ փոխնախարարը և Մարկ Քլեյթոնը մտքեր են փոխանակել հիբրիդային սպառնալիքների հակազդման ուղղությամբ փոխգործակցության շուրջ
Քաղաքականություն
20.01.2026 | 20:28
ՀՀ ԱԳ նախարարի տեղակալ Մնացական Սաֆարյանը հունվարի 20-ին ընդունել է Մեծ Բրիտանիայի ԱԳ նախարարության Արևելյան Եվրոպայի և Կենտրոնական Ասիայի հարցերով վարչության փոխտնօրեն Մարկ Քլեյթոնին․ հանդիպման ընթացքում քննարկվել են երկկողմ քաղաքական երկխոսության խորացման, ռազմավարական գործընկերության զարգացման և տարածաշրջանային գործընթացների վերաբերյալ հարցեր։ Այս մասին տեղեկացնում են ՀՀ ԱԳՆ-ից:
«Հանդիպման ընթացքում գոհունակությամբ ընդգծվել է Հայաստանի և Միացյալ Թագավորության միջև քաղաքական երկխոսության դինամիկ խորացումը, քննարկվել է ընթացիկ օրակարգը։ Մտքեր են փոխանակվել երկու երկրների միջև ռազմավարական գործընկերության զարգացման ուղղությամբ համատեղ աշխատանքների շուրջ:
Զրուցակիցները նաև մտքեր են փոխանակել ժողովրդավարական զարգացման ճանապարհին հանդիպող մարտահրավերների արդյունավետ հաղթահարման, այդ թվում՝ հիբրիդային սպառնալիքների հակազդման ուղղությամբ փոխգործակցության հարցերի շուրջ:
Մնացական Սաֆարյանը և Մարկ Քլեյթոնն անդրադարձ են կատարել նաև Հարավային Կովկասում զարգացումներին, մասնավորապես հաստատված խաղաղության պայմաններում տարածաշրջանի ապաշրջափակման կարևորությանը, ինչպես նաև այս համատեքստում ձևավորվող տնտեսական նոր հնարավորություններին»,- ասվում է հաղորդագրությունում:
